Karl Michahelles
| Karl Michahelles | |
|---|---|
| Nacemento | 1807 |
| Lugar de nacemento | Núremberg |
| Falecemento | 1834 |
| Lugar de falecemento | Náuplia |
| Nacionalidade | Reino de Baviera |
| Alma máter | Universidade de Múnic |
| Ocupación | ornitólogo, zoólogo, colecionador de animais, médico e herpetólogo |
| [ editar datos en Wikidata ] | |
Karl Georg Christian Wilhelm Michahelles, nado o 5 de maio de 1807 en Núremberg, e finado o 15 de agosto de 1834 en Nauplia, Grecia, foi un médico e zoólogo alemán, especializado en ornitoloxía e herpetoloxía.
Traxectoria[editar | editar a fonte]
Desde 1827 estudou medicina na Universidade de Múnic, onde coñeceu ao naturalista Lorenz Oken.
En 1831 recibiu o seu doutoramento en Medicina e Cirurxía coa tese "Das Malo Di Scarlievo in Historischer Und Pathologischer Hinsicht".[1]
Michahelles viaxou moito a Dalmacia, Iliria e Croacia e contribuíu de forma moi importante ao coñecemento da fauna aviaria destas rexións.
Entre as especies mediterráneas que identificou, pódense citar a Sitta neumayer, especie de paseriforme da familia dos sítidos[2] e o urodelo Pleurodeles waltl, da familia dos salamándridos.[3]
Faleceu a causa dunha disentería, á idade de 27 anos, en Nauplia, Grecia, cidade onde practicou a medicina e estudou a vida salvaxe.[1]
Algunhas publicacións[editar | editar a fonte]
- Ueber einige dalmatinische Vertebraten. En: Isis, 1830. p. 809—820.[4]
- Neue südeuropäische Amphibien. En: Isis von Oken, XXIII, Leipzig 1830, pp. 189–195, pp. 806–809.[5]
Especie dedicada[editar | editar a fonte]
Unha especie de gaivota, Larus michahellis foille dedicada en 1840 por Johann Friedrich Naumann.[6]
Abreviatura[editar | editar a fonte]
A abreviatura Michaelles emprégase para recoñecer a Karl Michahelles como autoridade na descrición e taxonomía en zooloxía.
Notas[editar | editar a fonte]
- ↑ 1,0 1,1 Saecular-Feier der Naturhistorischen Gesellschaft in Nürnberg 1801-1901 Google Books by Naturhistorische Gesellschaft Nürnberg.
- ↑ GBIF Sitta neumayer Michahelles, 1830.
- ↑ GBIF Pleurodeles waltl Michahelles, 1830.
- ↑ Bibliotheca historico-naturalis: Verzeichniss der Bücher ... por Wilhelm Engelmann.
- ↑ Bibliotheca historico-naturalis: Verzeichniss der Bücher ... por Wilhelm Engelmann.
- ↑ Larus michaellis en oiseaux-birds.com (en francés), (en inglés).
