Universo de Pokémon

O universo de Pokémon é un universo ficticio no que está ambientado a franquía Pokémon, a cal inclúe as historias e as obras ficticias producidas por The Pokémon Company, Nintendo, Game Freak e Creatures, Inc. O concepto do universo Pokémon, tanto nas obras de ficción como no mundo xeral de non ficción de Pokémon, provén da afección de coleccionar insectos, un popular pasatempo que o creado de Pokémon, Satoshi Tajiri, practicaba sendo neno. Os xogadores da serie de videoxogos son designados como adestradores Pokémon, e teñen dous obxectivos principais (como na maioría de xogos de Pokémon): completar a Pokédex conseguindo tódalas especies de Pokémon presentes na rexión ficticia na que está ambientada o xogo e adestrar un equipo de poderosos Pokémon para batallar con outros adestradores e converterse no máis forte: o campión Pokémon. Estes temas de coleccionar, adestrar e loitar están presentes na maioría das versións de xogos da franquía Pokémon, así como na serie anime, no manga, nos filmes e en Pokémon Trading Card Game.

Malia que as batallas Pokémon entre adestradores é un tema popular no universo Pokémon, a serie tamén salienta a harmonía entre os humanos e os Pokémon. As batallas Pokémon son consideradas como unha competición deportiva na que tanto os Pokémon como os humanos se divirten. Os Pokémon rara vez sofren feridas fatais durante esas batallas e ademais poden obter remedios nos centros Pokémon, os hospitais especializados en Pokémon.

Rexións principais

Mundo Pokémon world en relación co mundo real

Rexión Pokémon	Lugar do mundo real
Kanto Illas Sevii	Kantō, Xapón Illas Izu e Illas Ogasawara, Xapón
Johto	Kansai, Xapón
Hoenn	Kyūshū, Xapón
Sinnoh Zona de batalla	Hokkaido, Xapón Sakhalin, Russia
Unova	Nova York, Estados Unidos
Kalos	Francia
Alola	Hawai, Estados Unidos
Galar Isle of Armor Crown Tundra	Reino Unido Illa de Man Escocia