Julián Carballo Gómez
| Biografía | |
|---|---|
| Nacemento | maio de 1894  Pontevedra, España |
| Morte | 11 de maio de 1938 (43/44 anos) A Coruña, España |
| Causa da morte | Pena de morte (Ferida por arma de fogo ) |
| Datos persoais | |
| País de nacionalidade | España |
| Actividade | |
| Ocupación | barbeiro , sindicalista |
Julián Carballo Gómez, nado en Pontevedra en maio de 1894 e finado na Coruña o 11 de maio de 1938, foi un barbeiro e sindicalista galego.
Traxectoria[editar | editar a fonte]
Instalado na Coruña como barbeiro. Delegado da Confederación Regional Galaica e da Federación Local Obrera da CNT. Militante do Sindicato de Barbeiros e socio do Centro de Estudios Sociales Germinal. Foi detido en Ferrol por orden gobernativa en febreiro de 1932 como consecuencia dunha folga.[1] Cando se produciu o golpe de Estado do 18 de xullo de 1936 participou na resistencia armada ao golpe, despois agochouse e contactou con outros militantes dispersos que non foran capturados. Grazas á colaboración dos militantes do Sindicato El Despertar Marítimo, logrou fuxir da Coruña a principios de xaneiro de 1937, na embarcación La Libertaria, coa que chegaron ao porto de Xixón o 7 de xaneiro de 1937.[2] Loitou co Batallón Galicia na fronte do Norte. Logo da caída de Asturias, foi detido o 4 de novembro de 1937 a once quilómetros de Tinéu cando retornaba a Coruña. Xulgado na Coruña en consello de guerra por rebelión militar o 19 de febreiro de 1938, foi condenado a morte.[3] Foi executado na Coruña o 11 de maio de 1938.
Notas[editar | editar a fonte]
- ↑ El Correo Gallego, 17-2-1932, p. 1.
- ↑ Pereira, Dionisio (2011). Loita de clases e represión franquista no mar (1864-1939) (PDF). Vigo: Xerais. p. 408. ISBN 978-84-9914-182-4.
- ↑ La Voz de Galicia, 20-2-1936, p. 4.
Véxase tamén[editar | editar a fonte]
Bibliografía[editar | editar a fonte]
- Fernández, Eliseo; Pereira, Dionisio (2004). O anarquismo na Galiza. Santiago de Compostela: Positivas. p. 49, 50. ISBN 84-87783-79-1.
- Fernández Prieto, Lourenzo; et al. (2011). A represión franquista na comarca da Coruña. Santiago de Compostela: Edicións Laiovento. pp. 60–61. ISBN 978-84-8487-288-7.
- Lamela, Luis (2002). A Coruña, 1936. Memoria convulsa de una represión. Sada: Do Castro. p. 145.
Ligazóns externas[editar | editar a fonte]
- Julián Carballo Gómez na páxina web Nomes e Voces.