José Vigo
| Vigo | |||
|---|---|---|---|
| Información persoal | |||
| Nome | José Vigo Remuñana | ||
| Nacemento | 22 de novembro de 1929 | ||
| Lugar de nacemento | Buenos Aires | ||
| Posición | Dianteiro | ||
| Información de club | |||
| Club actual | Retirado | ||
| Carreira sénior | |||
| Anos | Equipos | Aprs | (Gls) |
| 1946–1950 | Huracán | 68 | (30) |
| 1951 | Gimnasia de La Plata | 27 | (7) |
| 1952–1953 | Ferro Carril Oeste | 18 | (3) |
| 1954–1956 | Cúcuta Deportivo | ||
| 1956–1957 | Bucaramanga | ||
| 1957–1958 | Celta de Vigo | 9 | (4) |
| 1958–1960 | Deportivo da Coruña | 48 | (19) |
| 1961–1962 | San Telmo | ||
|
Partidos e goles só en liga doméstica. [ editar datos en Wikidata ] | |||
José Vigo Remuñana, nado en Buenos Aires o 22 de novembro de 1929, é un ex futbolista arxentino, de ascendencia galega, que xogaba de dianteiro. Destacou no Club Atlético Huracán e tras xogar en varios equipos máis da Arxentina e Colombia, instalouse en Galicia, onde foi un dos poucos futbolistas en vestir tanto a camiseta do Celta de Vigo como a do Deportivo da Coruña.
Traxectoria[editar | editar a fonte]
Naceu en Buenos Aires, sendo fillo dun matrimonio de emigrantes galegos, naturais da provincia da Coruña.[1] Comezou a súa carreira en 1946 xogando en Huracán, pasando logo por Gimnasia de La Plata e Ferro Carril Oeste, onde militou ata 1953. En total marcou 40 goles en 113 partidos na Primeira División da Arxentina.[2] En 1954 trasladouse a Colombia para xogar dous anos no Cúcuta Deportivo e un en Bucaramanga.
En 1957 instalouse en Galicia, onde fichou polo Celta de Vigo. Debutou co equipo celeste na Primeira División na xornada 13 da tempada 1957/58, nunha vitoria por 2-1 contra o Real Madrid en Balaídos, anotando o gol da vitoria fronte ao gardameta Rogelio Antonio Domínguez, tamén nacido en Buenos Aires. Na xornada 19 marcou dous goles contra o Las Palmas e acabou a tempada con catro goles en nove partidos.
En xullo de 1958 xogou nas filas do Deportivo da Coruña un partido amigable contra o Nacional de Montevideo en Riazor, cedido polo Celta de Vigo. O partido acabou 3-4 para os uruguaios, e a actuación de Vigo, autor do primeiro gol coruñés, agradou ao novo adestrador deportivista, Ernesto Pons,[3] polo que o club acabou pagando o seu traspaso unhas semanas despois.[4] Debutou en partido oficial na primeira xornada da tempada 1958/59 de Segunda División, contra o Basconia, marcando o único gol galego (1-1), e xogou case todos os partidos da tempada, marcando 18 goles. Foi o segundo máximo goleador do campionato de liga, só superado por Emilio Morollón, do Valladolid, e empatado con Miguel Jones. Na súa segunda tempada na Coruña, as súas cifras goleadoras reducíronse, marcando só 4 goles.
En 1961 regresou á Arxentina, onde xogou ata 1962 no San Telmo, da Primera B.
Notas[editar | editar a fonte]
- ↑ "José Vigo". yojugueenelcelta.com (en castelán). Consultado o 23 de setembro de 2021.
- ↑ "JOSE VIGO". bdfa.com.ar (en castelán). Consultado o 23 de setembro de 2021.
- ↑ "5 minutos de charla con Ernesto Pons". La Voz de Galicia (en castelán). 22 de xullo de 1958. p. 10.
- ↑ "Vigo ya es deportivista". La Voz de Galicia (en castelán). 8 de agosto de 1958. p. 4.
Véxase tamén[editar | editar a fonte]
Ligazóns externas[editar | editar a fonte]
- Datos do xogador en BDFutbol (en castelán).
- Nados en Buenos Aires
- Nados en 1929
- Arxentinos de ascendencia galega
- Futbolistas da Arxentina
- Dianteiros de fútbol
- Xogadores do CA Huracán
- Xogadores do Gimnasia y Esgrima de La Plata
- Xogadores do Ferro Carril Oeste
- Xogadores do Cúcuta Deportivo FC
- Xogadores do Atlético Bucaramanga
- Xogadores do Celta de Vigo
- Xogadores do Deportivo da Coruña
- Xogadores do CA San Telmo