José María Massó García
| José María Massó García | |
|---|---|
| Nacemento | 31 de decembro de 1899 |
| Lugar de nacemento | Bueu |
| Falecemento | 1981 |
| Nacionalidade | España |
| Ocupación | político |
| Irmáns | Gaspar Massó García |
| [ editar datos en Wikidata ] | |
José María Massó García, nado en Bueu o 31 de decembro de 1899 e finado en 1981, foi un empresario, escritor, fotógrafo e político galego.
Traxectoria[editar | editar a fonte]
Fillo de Gaspar Massó Ferrer, da terceira xeración da empresa conserveira Massó. Logo do golpe de Estado do 18 de xullo de 1936 foi un dos principais represores de Bueu.[1] Logo do cesamento do alcalde Perfecto García Lemos polo gobernador civil foi nomeado alcalde de Bueu tomando posesión o 24 de xaneiro de 1939.[2] Permaneceu no cargo ata 1971 e foi deputado provincial. Apartou ao seu irmán Gaspar da máxima responsabilidade da empresa e da súa xestión, converténdose en xerente. Grazas os seus contactos co poder político ampliou o seu imperio empresarial, recibiu a concesión para a posta en marcha das factorías baleeiras de Caneliñas e Morás e expandiu a empresa coas fábricas de conservas de Barbate e Avilés.
Vinculado cos deportes e co estudo de temas relacionados co mar, publicou Barcos en Galicia. De la prehistoria hasta hoy del Miño al Finisterre, e realizou un estudo arqueolóxico, xeográfico e histórico de Bueu e da súa comarca. Creou o Museo do Mar en Bueu co seu irmán Gaspar.
| Predecesor: Perfecto García Lemos |
 Alcalde de Bueu 1939 - 1971 |
Sucesor: José Benito Otero Baena |
Vida persoal[editar | editar a fonte]
Casou en 1929 con María de los Ángeles Bolívar Sequeiros, filla de Tomás Bolívar Massó.
Notas[editar | editar a fonte]
- ↑ Cilia Torna Ferreiro (24/12/2019). "José María Massó, o verdugo de Bueu" Arquivado 01 de xuño de 2020 en Wayback Machine. Sermos Galiza.
- ↑ Arturo Sánchez Cidrás (1/3/2017). "Destituído o alcalde de Bueu por culpa dunhas copas - 1939" acidras.blogspot.com.
