Xosé Fernández da Ponte

Na Galipedia, a Wikipedia en galego.
(Redirixido desde «José Fernández da Ponte»)
Xosé Fernández da Ponte
Nacemento17 de xullo de 1901
Lugar de nacementoTabeirós
Falecemento26 de setembro de 1989
Lugar de falecementoA Baña
NacionalidadeEspaña
Ocupaciónmestre e escritor
editar datos en Wikidata ]

Xosé Xoán Fernández da Ponte, nado en Tabeirós (A Estrada) o 17 de xullo de 1901[1] e finado na Baña o 26 de setembro de 1989,[2] foi un poeta e docente galego, autor de obras en galego e castelán.

Traxectoria[editar | editar a fonte]

Fillo de Manuel Fernández Caramés. Fixo os estudos de mestre en Santiago de Compostela rematándoos en 1919, con 18 anos e, ao non poder opositar pola idade, exerceu o ensino privado primeiro en Lalín e posteriormente durante tres anos no colexio Cuba da Baña. Aprobou as oposicións de 1923 e foi destinado á escola de Vinseiro, que rexentou durante nove anos. Durante a súa estadía como mestre en Vinseiro foi Secretario do Sindicato Agrícola Unión de Vinseiro y Cereijo e foi director interino do xornal estradense El Emigrado de outubro de 1932 a abril de 1933. Foi nomeado “Socio de Honor” pola Sociedad Hijos del Ayuntamiento de La Estrada en Cuba en 1932. Promoveu un premio en 1934 para incentivar a asistencia dos nenos á escola que acabou levando o seu nome (Premios Fernández da Ponte). En 1934 foi destinado a Noia por concurso, onde exerceu ata a súa xubilación en 1971. Foi director do Grupo Escolar de Noia.

Actividade literaria[editar | editar a fonte]

Comezou publicando poemas en El Emigrado, Vida Gallega, El Compostelano, La Noche e Tapal. asinaba ás veces co pseudónimo Zenón de Ferjas[3]. A súa obra poética, en galego e en castelán foi recompilada e publicada co título Latexos pola Editorial Celta en 1979.

Obras[editar | editar a fonte]

  • Latexos, 1979.
  • Noesba, 2001.

Recoñecementos[editar | editar a fonte]

  • En 1963 foille concedida a Cruz de Alfonso X el Sabio, que lle foi entregada nunha homenaxe popular en xullo de 1964.
  • Unha rúa de Noia leva o seu nome.
  • O 31 de agosto de 2002 os veciños de Tabeirós rendéronlle unha homenaxe e descubriron unha placa na súa casa natal.[4]

Vida persoal[editar | editar a fonte]

Casou coa mestra María Asunción García Amigo, filla do médico da Baña Baltasar García Seoane, o 15 de decembro de 1934.

Notas[editar | editar a fonte]

  1. Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 34. 
  2. Necrolóxica en La Voz de Galicia, 27-9-1989, p. 66.
  3. El Emigrado, 30-4-1928, p. 1.
  4. "Tabeirós rindió homenaje al maestro José Fernández",La Voz de Galicia, Lalín-A Estrada, 1-9-2002, p. L6.

Véxase tamén[editar | editar a fonte]

Ligazóns externas[editar | editar a fonte]