José Cribeiro González

Na Galipedia, a Wikipedia en galego.
Saltar ata a navegación Saltar á procura
José Cribeiro González
Nacemento14 de decembro de 1898
 Mogor
Falecemento1981
 Vigo
NacionalidadeEspaña
Ocupaciónmestre e político
editar datos en Wikidata ]

José Cribeiro González, nado en Mogor (Mañón) o 14 de decembro de 1898,[1] e finado en Vigo en 1981, foi un mestre e político galego.

Traxectoria[editar | editar a fonte]

Estudou Maxisterio na Escola Normal de Pontevedra. Sendo estudante publicou un artigo sobre Concepción Arenal en El Progreso.[2] Rematou Maxisterio en 1915.[3] Aprobou as oposicións en 1924.[4] Foi destinado á escola de Donas (Gondomar) en 1924.[5] Foi un dos animadores da Sociedade Agraria de Donas. Coa proclamación da Segunda República foi nomeado presidente da xestora provisional, permanecendo no cargo ata que se celebraron novas eleccións o 31 de maio.

Cando se produciu o golpe de Estado do 18 de xullo de 1936, estaba en Pontevedra formando parte dun tribunal de selección de mestres, residindo na casa paternas. Foi detido o 15 de agosto e ingresou en prisión ao día seguinte. Foi procesado na causa 805/36, polo delito de rebelión con José Pequeño Rodríguez (alcalde de Gondomar), Rogelio Lorenzo González (tenente de alcalde), Joaquín Míguez Ledo (presidente do sindicato) e os obreiros Eduardo Hermida Pereira, Antonio Iglesias (a) Cañón, Manuel Domínguez e Feliciano Vargas. Cribeiro estaba considerado como inspirador dos movementos agrarios e sindicais, e tamén instigador das decisións do presidente da Sindicato de Oficios Varios de Gondomar, Joaquín Míguez. Foi absolto. Cando o puxeron en liberdade andou agochado por Pontevedra e Santiago, ata que acordou alistarse como voluntario na lexión; dese xeito evitou que andasen tras del os cívicos e falanxistas e evitou a morte. Cun nome falso, José María Ruíz Berlanga, marchou para Zaragoza; por idade e preparación, enviárono ás oficinas e non chegou a ir á fronte.

Foi expulsado do maxisterio e non puido reincorporarse ao maxisterio ata ben entrada a década dos cincuenta. A súa muller Concha tamén foi sancionada, e o seu irmán Pío Cribeiro, a súa cuñada Regina Rodríguez Bares, e a irmá desta, Áurea, que exercían nas escolas de Aldán e Coiro. Concepción e José sobreviviron dando clases particulares en Gondomar. Despois Cribeiro foi mestre de Matamá, onde se xubilou en 1972.[6]


Predecesor:
José de Lis Rodríguez
 Escudo de Gondomar.svg
Alcalde de Gondomar
 
1931
Sucesor:
Pablo Nieto Virostra

Vida persoal[editar | editar a fonte]

Casou coa tamén mestra Juliana Concepción Gómez Martín en 1926.

Notas[editar | editar a fonte]

  1. Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 100. 
  2. "Concepción Arenal y el problema social", El Progreso, 1-5-195, p. 1.
  3. Diario de Pontevedra, 14-6-1915, p. 2.
  4. El Noticiero Gallego, 25-6-1924, p. 2.
  5. El Progreso, 19-11-1924, p. 2.
  6. El Pueblo Gallego, 3-11-1972, p. 9.

Véxase tamén[editar | editar a fonte]

Bibliografía[editar | editar a fonte]