Xosé Antonio Ventoso Mariño

Xosé Antonio Ventoso Mariño

Biografía
Nacemento	30 de xuño de 1951 (73 anos) Ribeira, España
Alcalde de Ribeira
1983 – 1987 – Ricardo Pérez Queiruga →
Deputado do Parlamento de Galicia
Datos persoais
País de nacionalidade	España
Educación	Universidade de Santiago de Compostela
Actividade
Ocupación	político , profesor de ensino secundario , escritor
Partido político	Partido Socialista Obrero Español
Membro de	Partido dos Socialistas de Galicia
Lingua	Lingua galega

Xosé Antonio Ventoso Mariño, nado en Ribeira o 30 de xuño de 1951, é un escritor e político galego.

Traxectoria

Licenciado en Filosofía e Letras pola USC, é especialista en Historia Contemporánea. Profesor de Ensino Medio, é socio fundador do Instituto de Ciencias Sociaies de Galicia e codirector das revista Ciencias Sociais e Estudios Sociais da Barbanza. Anteriormente membro do PCG, pasou a formar parte do PSdeG-PSOE e encabezou esta formación en Ribeira en 1983, sendo elixido alcalde ó se-la candidatura máis votada. En 1987 encabezou novamente a candidatura socialista e logrou novamente a vitoria, pero nesta ocasión non logrou a alcaldía dado que os grupos de dereitas (AP, CPG e CDS) pactaron e fixeron alcalde ó candidato aliancista Ricardo Pérez Queiruga. En marzo de 1989 encabezou unha moción de censura contra este, mais ó botarse atrás varios concelleiros supuxo que fracasase. Nas Eleccións ao Parlamento de Galicia de 1989 foi elixido deputado autonómico, revalidando a súa acta en 1993, chegando a ser voceiro do grupo socialista. Encabezou novamente a candidatura do PSdeG en Ribeira en 1991 logrando o mellor resultado da historia do partido con 9 concelleiros, mais nesta ocasión o PPdeG logrou a maioría absoluta e non puido recupera-la alcaldía. Foi membro da Comisión Executiva do PSdeG-PSOE (1987-1994).

En xullo de 1992 foi inhabilitado pola construción durante a súa etapa na alcaldía de vivendas accesibles sen ser visadas polo Colexio de Arquitectos, ante o cal abandonou a política municipal; en 1994 foi indultado. Porén, si puido continuar como deputado autonómico durante todo ese tempo, volvendo ser elixido tralas Eleccións ao Parlamento de Galicia de 1993. En 1997 volveu a concorrer na candidatura autonómica do PSdeG pero non resultou elixido tralo descenso sufrido pola formación. En febreiro de 2003 abandonou o PSdeG tralo nomeamento de José Vicente Domínguez como candidato en Ribeira pola executiva nacional do partido, en detrimento da súa muller Rosa García Pose. Esta, conformou Iniciativa Progresista de Ribeira (IPdeR) e integrou aos desencantados coa decisión, logrando 2 concelleiros nos comicios dese ano.

En abril de 2010 foi elixido presidente do Club Náutico de Ribeira, permanecendo no cargo ata maio de 2015. Presentou programas de entrevistas e debates no Canal Barbanza.

Obra en galego

Poesía

• Do mar e dos homes.

Narrativa

• A pesca está no vento, 2001, Ir Indo.
• Historia das historias da escola, 2008, Ir Indo.

Ensaio

• Galicia en terra allea, 1997, Ir Indo.
• Os señores do mar, 2002, Xunta de Galicia.
• As sombras dos mortos. Historias de naufraxios en Cabo Corrubedo, 2003, Deputación da Coruña.
• As fanequeiras da ría, 2011, Concello de Ribeira.

Obras colectivas

• A xente da ría, 2002, Deputación da Coruña.

Obra en castelán

Ensaio

• La estructura ideológica de la iglesia gallega (1923-1936).
• Peregrinos en tierras de magia, 2004.

Narrativa

• Huyen mis sueños. Diario de un lisiado, 2008.

Véxase tamén

Outros artigos

• Eleccións municipais en Ribeira

Ligazóns externas

• Xosé Antonio Ventoso Mariño no Diccionario de escritores/as do Barbanza