Jesús Fernández González (bispo)

Para outras páxinas con títulos homónimos véxase: Jesús Fernández González.

Jesús Fernández González
Bispo da Igrexa católica latina
Biografía
Nacemento	15 de setembro de 1955 en Selga de Ordás (León)
Alma máter	Universidade Pontificia de Salamanca
Ordes
Ordenación sacerdotal	29 de xuño de 1980
Consagración episcopal	8 de febreiro de 2014, por Julián Barrio
bispo de Astorga
18 de xullo de 2020 - Actual
Predecesor	Juan Antonio Menéndez Fernández
Bispo auxiliar de Santiago de Compostela
10 de decembro de 2013 - 18 de xullo de 2020
Outros
Escudo de Jesús Fernández González
Evangelizare pauperibus
Ficha en catholic-hierarchy.org

Jesús Fernández González, nado en Selga de Ordás (León) en 1955, é un crego católico, na actualidade bispo de Astorga.

Traxectoria

Estudou na capital provincial de León para crego, ata que foi ordenado sacerdote o 29 de xuño de 1980. Proseguiu os estudos e licenciouse, e posteriormente doutorouse en Filosofía pola Universidade Pontificia de Salamanca.

Como sacerdote, estivo de crego nas parroquias de Senra e de Lazado, no concello de Murias de Paredes, e despois en Villaquilambre, ata que en 1987 foi designado reitor do seminario menor de León, ata 1990. Despois do seu paso por Salamanca regresou ao seminario como docente, e como crego á parroquia de Valsemana, no concello de Cuadros. En 2003 foi nomeado vigairo episcopal da diocese de León e en 2010 vigairo xeral da mesma.

En 2013 o papa Francisco noméao bispo auxiliar de Santiago de Compostela, baixo a figura de bispo de Rotdon.

En xullo de 2020 o papa Francisco noméao bispo de Astorga