Ismael Ramos

Ismael Ramos
Nome completo	Ismael Ramos Castelo
Nacemento	8 de abril de 1994 (24 anos)
Lugar	A Picota, Mazaricos, Galicia
Nacionalidade	España
Ocupación	escritor
Lingua	Galego
Xéneros	Poesía
[ editar datos en Wikidata ]

Ismael Ramos Castelo, nado na Picota (Mazaricos) o 8 de abril de 1994, é un poeta e escritor galego.

Traxectoria

É autor da plaquette Hábitat/Interferencias (XVI Premio Francisco Añón, 2013), do diálogo A ferida (2013, con María do Cebreiro), e dos poemarios Os fillos da fame (XVIII Premio Johán Carballeira, 2016) e Lumes (2017).

Textos seus viron a luz en páxinas web e revistas como A Bacana, Clarín, Grial, Luzes, Oculta Lit, PlayGround ou Dorna, de cuxo consello de redacción fai parte; e foron traducidos ao español, inglés e portugués. Na rede, mantivo o blog Interferencias e actualmente escribe en O triste Stephen.

O autor con Miriam Ferradáns e Ana Cabaleiro.

Obra

Poesía

• Hábitat/Interferencias (Concello de Outes, 2013, edición non venal). Plaquette.
• Os fillos da fame (Xerais, 2016).
• Lumes (Apiario, 2017).

Obras colectivas

• Sentimentalismo. Antoloxía de referencia. Etapa de expansión (Editorial Bubela, 2013). Poesía.
• 6 poemas 6. Homenaxe a Federico García Lorca (Biblos Clube de Lectores, 2015). Poesía.
• No seu despregar (Apiario, 2016). Poesía.
• 13. Antoloxía da poesía galega próxima (ed. bilingüe, Chan da Pólvora / papeles mínimos, 2017). Poesía.
• Poetízate. Antoloxía da poesía galega (Xerais, 2018, 15ª edición). Poesía.

Premios

• XVI Premio Francisco Añón (2012).
• Premio Xuventude Crea de poesía (2014).
• XVIII Premio Johán Carballeira (2015).
• Premio Fervenzas Literarias ao mellor libro de poesía de 2016 por Os fillos da fame (2017).
• Premio Fervenzas Literarias ao mellor libro de poesía de 2017 por Lumes (2018).
• Premio Fervenzas Literarias ao Autor do ano 2017 (2018).
• Premio ao mellor libro editado en 2017 na Gala do Libro Galego por Lumes (2018).