Illa do Bananal

Illa do Bananal

(pt) Ilha do Bananal
Tipo	insua illa patrimonio natural
Localización
Continente	América do Sur
División administrativa	Tocantins, Brasil
11°20′S 50°25′O
Bañado por	Rio Araguaia (pt)
Bacía hidrográfica	Bacía do río Amazonas
Características
Altitude	189 m
Dimensións	55 () × 350 () km
Superficie	19.162 km²
Sitio Ramsar
Data	4 de outubro de 1993
Identificador	624

Illa do Bananal, santuario ecolóxico do río Araguaia

A Illa do Bananal é a maior illa fluvial do mundo, con 19.162,25 km² de extensión, cercada polos ríos Araguaia e Javaés. Localízase no estado de Tocantins (Brasil), próximo á fronteira cos estados de Goiás, Mato Grosso e Pará. Localízase entre as latitudes 9°44'S e 12°49'S e entre as lonxitudes 49°52'O e 50°44'O. Abriga ao norte o Parque Nacional do Araguaia e, ao sur, dúas reservas indíxenas: Carajás e Javaés.

Historia

Descuberta o 26 de xullo de 1773 polo sertanista José Pinto Fonseca, recibiu o nome de Santana. Posteriormente, pasouse a chamar Bananal, debido á existencia de extensos bananais silvestres. Esta illa abriga cerca de quince aldeas indíxenas, sendo unha delas a aldeia Kanoanã, fica preto da rexión de Formoso do Araguaia no Tocantins.

Santuario ecolóxico: fauna e flora

Está considerada un dos santuarios ecolóxicos máis importantes do país. Por estar na faixa de transición entre a foresta Amazónica e O Cerrado, posúe fauna e flora bastante diversificadas. A fauna ten especies comúns ao Pantanal de Mato Grosso, como a onza-pintada, boto, uirapuru, a garza azulada ou a tartaruga da Amazonia.

Na flora destacan varios xéneros de orquídeas terrestres, a mazaranduba, a piazava e a canxerana. Na vexetación predominan os campos, coñecidos na rexión polo nome de varjões. Aparecen aínda o cerrado, a mata seca de transición, as matas ciliares de igapó, vexetación das encostas secas e vexetación dos bancos de area.

• 
  figuriña de cerámica

Clima

Predomina o clima tropical quente semi-húmido con temperaturas máximas de 38 °C nos meses de agosto a setembro e mínimas de 22 °C en xullo. Dúas estacións están nitidamente marcadas na illa, o verán (de novembro a abril) no que predominan as choivas, e o inverno (de maio a outubro) onde ocorre o período da seca. A humidade relativa do ar rexistrada nas estacións mais definidas xira en torno do 60% (xullo) e 80% (épocas chuviosas).

Durante os meses de xaneiro a marzo, época de chea do río Araguaia, parte da illa permanece inundada. As choivas dese período corresponden a cerca de 50% do total anual.

Véxase tamén

Ligazóns externas

• A invasão e a ocupação da ilha do Bananal