İlham Əliyev

İlham Əliyev
Datos persoais
Nacemento	24 de decembro de 1961
	Bakú, RSS de Acerbaixán
Organización	Partido do Novo Acerbaixán
Pai	Heydar Aliyev
Nai	Zarifa Aliyeva
Cónxuxe	Mehriban Əliyeva
Fillos	Leyla Aliyeva, Arzu Aliyeva e Heydar Aliyev
Alma máter	Instituto Estatal de Relacións Internacionais de Moscova
Profesión	Político e mestre
Relixión	Islam e Xiísmo
Na rede
	https://president.az/
	[ editar datos en Wikidata ]

İlham Heydər oğlu Əliyev, nado en Bakú o 24 de decembro de 1961, é un político acerbaixano, presidente do seu país dende o 31 de outubro de 2003.

É tamén o presidente do Partido do Novo Acerbaixán e do Comité Olímpico Nacional.

Traxectoria[editar | editar a fonte]

İlham Əliyev naceu o 24 de decembro de 1961 en Bakú. O seu avó foi Əziz Əliyev, destacado político do Partido Comunista da Unión Soviética, súa nai a científica Zərifə Əliyeva e seu pai, Heydər Əliyev, terceiro presidente de Acerbaixán.

En 1977 entrou no Instituto Estatal de Relacións Internacionais de Moscova e en 1985 recibiu un doutorado en Historia. Entre 1994 e 2003 foi vicepresidente de SOCAR, a petroleira estatal de Acerbaixán. Foi unha das figuras claves durante as negociacións entre o goberno acerbaixano e as empresas petroleiras occidentais que concluíron con grandes acordos de produción compartida.

En 1995 foi elixido deputado da Asemblea Nacional da República de Acerbaixán e nas eleccións presidenciais de 2003 saíu elixido presidente do país co 76.84% dos votos, sucedendo a seu pai, que morrería dous meses despois.

Foi reelixido de novo nas eleccións de 2008 e, tras un referendo en 2009 co que se eliminou o límite de mandatos que pode exercer o presidente, reelixido en 2013 e 2018 con máis do 85% dos votos en ambos procesos.

Dende 1997, Əliyev é o presidente do Comité Olímpico Nacional.

Predecesor: Artur Rasizade	Primeiro Ministro de Acerbaixán 4 de agosto de 2003 - 4 de novembro de 2003	Sucesor: Artur Rasizade
Predecesor: Heydar Aliyev	Presidente de Acerbaixán 31 de outubro de 2003 - Actualidade	Sucesor: No cargo