Hixinio Puentes
| Biografía | |
|---|---|
| Nacemento | 1952  (71/72 anos)O Porto do Barqueiro, España |
| Actividade | |
| Ocupación | escritor, mestre |
| Premios | |
  | |
Hixinio Puentes Novo, nado no Porto do Barqueiro (Mañón) en 1952, é un mestre de profesión e investigador da historia do seu concello, escritor e autor de diversos estudos relacionados co mundo do mar. Desde 2021 é cronista oficial de Mañón.
Traxectoria
[editar | editar a fonte]Como escritor, trata temas de novela e investigación histórica, en lingua galega e castelá. Como investigador destacan os seus estudos sobre a costa norte de Galiza como o centrado nos naufraxios acontecidos na provincia marítima de Ferrol ou sobre a galerna de 1961. Colabora en publicacións como a revista de estudos locais Terras do Ortegal, onde publico "A gavela das Grañas no primeiro terzo dó século XIX"[1].
En base aos seus méritos e concentración de investigación no seu concello, en 2015 foi proposto no pleno da Corporación como Cronista Oficial do concello de Mañón por parte do grupo municipal do PSOE, sen que o PP, que goberna o municipio hai anos levase adiante a proposta. En 2018 a asociación Nordés reiterou a solicitude, que tampouco tivo resposta.[2] En xuño de 2021 o PP e o PSOE acordaron o seu nomeamento, de xeito que finalmente en decembro do mesmo ano foi nomeado como cronista oficial.[3][4]
Obra
[editar | editar a fonte]Narrativa
[editar | editar a fonte]- O bandido Casanova (Xerais, 2000).
- Aguillóns de Ortegal (Xerais, 2005). Novela que dá conta, en forma de relato autobiográfico, do mariñeiro Fonseca.
- Monbars, o Exterminador (Xerais, 2006). É unha novela ambientada no século XVII que ten como protagonista o pirata francés do mesmo nome.
- A do vinte e un (Sotelo Blanco, 2010).
- Winnipeg (Xerais, 2013). Na que recrea a historia de Manuel Pita Armada.
Ensaio
[editar | editar a fonte]- Os naufraxios da Galicia norte. I e II, (Edicións Lea, Santiago, 2003, 2005).
- A galerna de 1961 (Edicións Lea , 2006), ISBN 84-95444-64-X
- Matrícula de Bilbao. Investigación sobre grandes buques bilbaínos.
Premios
[editar | editar a fonte]- Premio Pastor Díaz no 1999, por O bandido Casanova.
- Accésit do Premio de Xornalismo David Fojo no 1999, cunha serie de artigos publicados en La Voz de Ortigueira.
- Premio Eixo Atlántico de narrativa galega e portuguesa en 2006, por Monbars, o Exterminador.[5][6]
- Premio Vicente Risco de Creación Literaria no 2009, por A do vinte e un.
Notas
[editar | editar a fonte]- ↑ Puentes Novo, Hixinio (xuño 2021). "A gavela das Grañas no primeiro terzo do século xix". Terras do Ortegal (8): 21–50.
- ↑ "Nordés propone que se nombre a Hixinio Puentes cronista oficial". La Voz de Galicia (en castelán). 14.12.2018. Consultado o 14.06.2021.
- ↑ "El escritor Hixinio Puentes será el cronista oficial de Mañón". La Voz de Galicia (en castelán). 20.06.2021.
- ↑ "El escritor Hixinio Puentes, nombrado cronista oficial de Mañón". La Voz de Galicia (en castelán). 11.12.2021.
- ↑ "Hixinio Puentes gaña o Eixo Atlántico cunha novela «de mar e aventura»". La Voz de Galicia. 28 de marzo de 2006.
- ↑ "Orza a Babor vence Prémio Eixo-Atlântico". Público (en portugués). 29 de marzo de 2006.
