Saltar ao contido

Harold B. Mattingly

Na Galipedia, a Wikipedia en galego.
Para outros artigos de persoas co mesmo apelido, véxase a páxina de homónimos Mattingly
Para outros artigos de persoas chamadas igual, véxase a páxina de homónimos Harold Mattingly (homónimos)
Infotaula de personaHarold Braithwaite Mattingly
Biografía
Nacemento1923
Finchley, Reino Unido (pt) Traducir Editar o valor em Wikidata
Morte23 de agosto de 2015 (92 anos)
Truro, Reino Unido Editar o valor em Wikidata
30º Presidente da Real Sociedade Numismática
1999 – 2004
← David Michael MetcalfJoe Cribb →
Catedrático Universidade de Leeds
1970 – 1987 Editar o valor em Wikidata
Datos persoais
País de nacionalidadeBritánica
EducaciónUniversidade de Cambridge
Coñecido porEstudos de historia e numismática romanas.
Actividade
Campo de traballoNumismática e epigrafía.
Ocupaciónprofesor universitario , numismático , erudito clásico Editar o valor em Wikidata
EmpregadorUniversidade de Leeds Editar o valor em Wikidata
Membro de
Influencias
LinguaLingua inglesa, lingua latina e Grego antigo Editar o valor em Wikidata
Familia
CónxuxeErica Stuart (despois Mattingly).
PaiHarold Mattingly Editar o valor em Wikidata

Dialnet: 2133311

Harold Braithwaite Mattingly (nado en 1923 en Finchley, Barnet, Gran Londres, e finado o 23 de agosto de 2015, foi un historiador da civilización da Antiga Roma, epigrafista e numismático británico. Era fillo do recoñecido numismático Harold Mattingly.

Carreira[editar | editar a fonte]

Mattingly cursou o ensino primario na escola de Saffron Walden e a educación secundaria na Leys School, de Cambridge. Xa despois da II guerra mundial, acadou unha diplomatura en Estudos Clásicos no Gonville and Caius College, da Universidade de Cambridge (1946-1948). Logo de lograr unha bolsa de investigación, redactou unha tese sobre o Senado Imperial Romano e, finalmente, alcanzou o grao de Mestrado en 1952.[1][2][3]

Entre 1950 e 1969 foi profesor de Historia Antiga na Universidade de Nottingham, e en 1970 incorporouse á Universidade de Leeds. As súas investigacións centráronse, ao longo de toda a súa traxectoria, na epigrafía e a numismática da Antiga Grecia e da República Romana. A partir destas investigacións publicou arredor de 160 artigos científicos, a maior parte deles compilados posteriormente en tres volumes. Logo da súa xubilación como profesor en Leeds, continuou co status de profesor emérito desa universidade ata a fin da súa vida.[1][2][3]

Entre 1999 e 2004, Harold B. Mattingly chegou a presidir a Royal Numismatic Society, de Londres.[1][2][4]

No ámbito familiar, casou en 1960 con Erica Stuart, unha artista da olaría, con quen foi pai de tres fillos.[1][2] Deles, a súa filla Joana é unha especialista na arte medieval de Cornualla e o seu fillo David é profesor de Arqueoloxía de Roma na Universidade de Leicester.[3]

Harold B. Mattingly faleceu o 23 de agosto de 2015 na súa residencia familiar en Truro, Cornualla, logo dunha breve doenza.[3]

Escolma de publicacións[editar | editar a fonte]

Estas son as monografías máis significativas publicadas por Harold B. Mattingly ao longo da súa carreira académica: [5]

  • 1963: Various numismatic notes. Proceedings of the British Academy. Londres.
  • 1996: The Athenian empire restored : epigraphic and historical studies. The University of Michigan Press. ISBN 9780472106561
  • 2007: From coins to history : selected numismatic studies. University of Michigan Press. ISBN 9780472113316
  • 2012: Coins and travels in Greece : an introduction to the coins of ancient Greece with reminiscences of visits by numismatist Harold Mattingly (con Joanna Mattingly e Stephen Tyrrell). Falmouth. Pasticcio. ISBN 9780957031111

Notas[editar | editar a fonte]

  1. 1,0 1,1 1,2 1,3 "Obituary: Emeritus Professor Harold B Mattingly". University of Leeds.
  2. 2,0 2,1 2,2 2,3 Mattingly, D. (2015). "Harold Mattingly obituary". En The Guardian. 28 de setembro de 2015.
  3. 3,0 3,1 3,2 3,3 Kampmann, U. (2015). "Harold B. Mattingly (1923-2015)". En Coins Weehly. 2 de setembro de 2015.
  4. "Presidents of the Society". The Royal Numismatic Society.
  5. "Harold B. Mattingly". WorldCat.org

Predecesor:
Michael Metcalf

Presidente da Royal Numismatic Society

1999 - 2004
Sucesor:
Joe Cribb