Guillerme Vázquez

Na Galipedia, a Wikipedia en galego.
Guillerme Vázquez Vázquez
Guillerme Vázquez

10 de maio de 2009 – 17 de marzo de 2013
Precedido por Anxo Quintana
Sucedido por Xavier Vence

Escudo de Pontevedra.svg
Concelleiro de Seguridade Cidadá do Concello de Pontevedra
2003 – 2009

Escudo de Pontevedra.svg
Concelleiro en Pontevedra
1995 – 1999

1996 – 2003

1993 – 1996

Datos persoais
Nacemento 1952
Pontevedra, Galicia Galicia
Partido Bloque Nacionalista Galego
Profesión Médico, profesor, porlítico

Guillerme Vázquez Vázquez, nado en Pontevedra en 1952, é un político galego, integrante do Bloque Nacionalista Galego. O 10 de maio de 2009 foi designado por votación para ocupar o cargo de voceiro nacional deste partido[1], dimitindo do cargo tralas eleccións galegas de 2012[2].

Traxectoria[editar | editar a fonte]

Formación[editar | editar a fonte]

Licenciado en Medicina e Cirurxía pola Universidade de Santiago de Compostela, foi profesor no IES Frei Martín Sarmiento de Pontevedra.

Militancia política[editar | editar a fonte]

Membro do BNG, foi elixido deputado do BNG no Parlamento de Galicia en 1993 pola circunscrición de Pontevedra, cargo que simultaneou co de concelleiro en Pontevedra a partir de 1995. En 1996 figura como cabeza de lista do BNG pola provincia de Pontevedra ás eleccións ao Congreso, e sae elixido. Renovou o posto no ano 2000 e dimitiu no ano 2003, polo que foi substituído por Olaia Fernández Dávila.

En 2003 volve ser elixido concelleiro en Pontevedra e ocupa diversas responsabilidades no goberno de coalición do BNG co apoio do PSdeG.

Tras as eleccións galegas de 2009[editar | editar a fonte]

Despois das eleccións galegas de 2009, e trala dimisión da executiva en pleno do BNG, abriuse un proceso de renovación dos organismos de dirección da fronte. Dentro dese proceso Guillerme Vázquez foi escollido para encabezar a lista impulsada pola Unión do Povo Galego e por militancia independente (coma o propio Guillerme Vázquez), denominada Alternativa pola Unidade, que o propón como candidato a Portavoz Nacional. Así, o 10 de maio de 2009 a súa candidatura foi a designada para ocupar a portavocía nacional do BNG, deixando o cargo no Consello Nacional do 27 de outubro de 2012.

Tras as eleccións galegas de 2012[editar | editar a fonte]

Despois das eleccións galegas de 2012, o Bloque Nacionalista Galego pasou de ter 13 a 7 deputados no Parlamento de Galicia perdendo un 46% dos sufraxios con respecto á anterior elección en favor de Alternativa Galega de Esquerda polo que dimitiu do seu cargo de Portavoz Nacional do BNG. Foi substituído o 17 de marzo do 2013 por Xavier Vence, e Guillerme volveu impartir clases clases no centro pontevedrés IES Frei Martín Sarmiento.[3][4]

En 2014 anunciouse a súa elección como presidente da Fundación Galiza Sempre[5].


Predecesor:
Anxo Quintana
 Bng-logo-primary.jpg
Portavoz Nacional do BNG
 
2009–2013
Sucesor:
Xavier Vence

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]