Fundación Galiza Sempre
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde marzo de 2016.) |
| Fundación Galiza Sempre | |
|---|---|
| Tipo | Político |
| Data de creación | 1999 |
| Creador(es) | Bloque Nacionalista Galego |
| Presidente | Rubén Cela |
| Sede | Av. Rodríguez de Viguri 16 baixo 15702 Santiago de Compostela |
| Ámbito | Galiza |
| Web | http://www.galizasempre.org |
A Fundación Galiza Sempre é unha fundación constituída en 1999, promovida polo Bloque Nacionalista Galego. Inscrita no Rexistro único de fundacións de interese galego da Xunta de Galicia co número 1999/15 e no Rexistro Galego de Axentes de Cooperación para o Desenvolvemento, forma parte do Centre Maurits Coppieters, fundación política europea; da Rede Mundial polos Dereitos Colectivos dos Pobos; e do Consello Internacional de Arquivos.
Desde entón desenvolve dúas liñas de actuación prioritarias: unha, dirixida á promoción do pensamento socioeconómico, político e cultural de Galiza, e outra adicada á preservación e difusión da memoria histórica de Galiza e especificamente do nacionalismo galego.
No ámbito do pensamento pódense distinguir na súa traxectoria tres eixos temáticos: o mundo das nacións sen estado; a crítica do neoliberalismo, a desigualdade e a exclusión e social; e, en terceiro lugar, as políticas públicas alternativas no ámbito do feminismo, a cultura, a participación cidadá ou as transformacións sociais asociadas ao autogoberno.
Na procura dunha nova cultura política asentada na diversidade, a fundación estendeu o seu campo de acción alén de Galiza mantendo relacións con entidades do País Vasco, Cataluña e Portugal, e participando activamente en redes europeas ou no Foro Social Mundial.
O seu primeiro presidente foi Xosé Manuel Beiras.
Presidentes[editar | editar a fonte]
- 1999 - 2012: Xosé Manuel Beiras[1]
- 2012 - 2014: Xesús Veiga[2]
- 2014 - 2016: Guillerme Vázquez[3]
- 2016 - 2019: Francisco Jorquera
- 2019 - presente: Rubén Cela
Notas[editar | editar a fonte]
- ↑ "Veiga Buxán toma o relevo de Beiras na Fundación Galiza Sempre". Galicia Confidencial. Consultado o 2017-04-08.
- ↑ "O BNG recupera a Guillerme Vázquez para a Fundación Galiza Sempre". Galicia Confidencial. Consultado o 2017-04-08.
- ↑ "Francisco Jorquera, novo presidente da Fundación Galiza Sempre". Sermos Galiza. Consultado o 2017-04-08.