Grilo ceboleiro
| Grillotalpa | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Vista frontal de grilo ceboleiro. | |||||||||||||||||
| Estado de conservación | |||||||||||||||||
| Non avaliado | |||||||||||||||||
| Clasificación científica | |||||||||||||||||
| |||||||||||||||||
| Nome binomial | |||||||||||||||||
| ''Gryllotalpa gryllotalpa'' (Linnaeus, 1758) | |||||||||||||||||
| Sinonimia | |||||||||||||||||
|
Acheta gryllotalpa (Linnaeus, 1758) | |||||||||||||||||
O grilo ceboleiro, Gryllotalpa gryllotalpa,[2] é unha especie de insecto ortóptero da familia Gryllotalpidae nativo de Europa Occidental e norte de África, aínda que foi exportado ao leste de Asia, a América do Sur e ao leste dos Estados Unidos.[Cómpre referencia]
En galego tamén é coñecido como alacrán ceboleiro, carriola, corta, cortón, osa, ralo ou relo.[2] Marcial Valladares chámao grilo-toupa. Eladio Rodríguez distingue entre o grilo ceboleiro ou grilo real e o grilo toupa.[3]
Descrición
[editar | editar a fonte]
É un dos insectos máis infrecuentes. O nome científico deriva do latín gryllus, que significa 'grilo' e talpa, que significa 'toupa' e refírese á similitude que ten este insecto coas toupas, polos seus hábitos subterráneos. As femias cavan cámaras onde coidan os seus ovos. Os machos, máis pequenos, cávanas para facer o seu canto máis forte e atraer ás femias, as súas patas tamén serven para defender os seus territorios. Aínda que poden manifestar condutas agresivas e o seu aspecto parece ameazador, son inofensivos para o home.
O corpo é de cor marrón e cuberto por unha fina capa de pelo, e as súas patas dianteiras son grandes e preparadas para cavar. Só na etapa adulta teñen ás e voan dunha maneira torpe e en raras ocasións pola noite. A lonxitude do corpo dos machos é de aproximadamente 35 a 41 mm e o das femias de 40 a 46 mm.
Hábitat e distribución xeográfica
[editar | editar a fonte]O hábitat ideal é de céspede curto en zonas areosas ou turbosas de Europa (excepto Noruega e Finlandia), o oeste de Asia e o norte de África. Tamén foi introducido accidentalmente nos Estados Unidos, onde se segue difundindo, en América do Sur, e tamén en Menorca e Eivisa (casos puntuais).[Cómpre referencia]
Bioloxía
[editar | editar a fonte]Os ovos son postos en cámaras subterráneas sobre finais de xullo. Nacen de dez a vinte días despois e a femia gárdaos durante outras dúas ou tres semanas. As ninfas comezan a madurar a partir da primavera seguinte aínda que algunhas non maduran até o terceiro ano desde a posta. Os adultos e as ninfas poden ser atopados durante o ano en túneles que poden alcanzar unha profundidade de até un metro. Son omnívoros. Poden chegar a ser unha ameaza para os cultivos.
Notas
[editar | editar a fonte]- ↑ Catalogue of Life Arquivado 06 de abril de 2020 en Wayback Machine.. Consultado o 9 de xuño de 2013
- 1 2 Definicións no Dicionario da Real Academia Galega e no Portal das Palabras para grilo.
- ↑ Define Grilo ceboleiro ou grilo real como "insecto groso de cabeza pequena, bastante longa, patas moi resistentes coas que abre galerías subterráneas. Abunda nas hortas, xardíns, terras de labor e nos montes". E grilo toupa como "moi parecido ó ceboleiro, porque abre galerías subterráneas en busca de alimento, como as toupas" (Eladio Rodríguez González: Diccionario enciclopédico gallego-castellano, Galaxia, Vigo 1958-1961, s. v. grilo). En castelán no orixinal.
Véxase tamén
[editar | editar a fonte] |
Wikimedia Commons ten máis contidos multimedia na categoría: Grilo ceboleiro |
 |
Wikispecies posúe unha páxina sobre: Grilo ceboleiro |
Bibliografía
[editar | editar a fonte]- Haes; Marshall, J. A. Grasshoppers and Allied Insects of Great Britain and Ireland (en inglés). Colchester: Harley Books.
- Haes; Harding, P. T. Atlas of grasshoppers, crickets and allied insects in Britain and Ireland (en inglés). Londres: HMSO.
- Biodiversity: The UK Steering Group Report. Volume 2: Action Plans (en inglés). Londres: HMSO.
