Germà Colón

Germà Colón i Doménech
Nacemento	30 de novembro de 1928
Lugar de nacemento	Castelló de la Plana
Falecemento	22 de marzo de 2020
Lugar de falecemento	Barcelona
Nacionalidade	España
Alma máter	Universidade de Barcelona, Universidade de Madrid e Universidade de Basilea
Ocupación	lexicógrafo, lingüista, escritor, profesor universitario, romanista e filólogo
Premios	Creu de Sant Jordi, Serra d'Or Critics Award, honorary doctor of the University of Alicante, Gran Cruz de Afonso X o Sabio, doutor honoris causa pola Universidade Complutense de Madrid, Doutor honoris causa pola Universidade Autónoma de Barcelona, honorary doctor of the University of Valencia, honorary doctorate of Jaume I University, Valencian of the year award, Premi de les Lletres Valencianes, Prat de la Riba Award e Vives University Network Medal of Honor
Na rede
[ editar datos en Wikidata ]

Germà Colón i Doménech, nado en Castelló de la Plana en 1928 e finado en Barcelona o 22 de marzo de 2020, foi un lingüista románico e lexicólogo valenciano.

Traxectoria

Foi catedrático da Universidade de Basilea e anteriormente profesor na Universidade de Estrasburgo (1968 - 1972) e da Universidade Autónoma de Barcelona (1973 - 1974). Converteuse en membro da Reial Acadèmia de Bones Lletres de Barcelona e mais da Comisión Lulliana a raíz da publicación das obras completas de Ramon Llull. Foi tamén Doutor honoris causa da Universidade de València e da Universidade de Alacant. Foi membro do consello asesor da colección Els Nostres Clàssics e do equipo editor da revista Estudis de Llengua i Literatura Catalanes. Foi conselleiro de honra da Asociación Internacional de Lingua e Literatura Catalás (da que foi presidente entre 1976 e 1982) e membro numerario do Institut d'Estudis Catalans (IEC). Foille outorgado o Premio Sanchis Guarner da Fundación Jaume I (1987), o Premio de Honra das Letras Valencianas (1988), o Premio Prat de la Riba do IEC (1979), o Premio Serra d'Or (1981), a Cruz de Sant Jordi (1985) e o Premio de Literatura da Generalitat de Cataluña (1987).

Doou a súa biblioteca persoal (máis de 20 000 obras) á Universidade Jaume I de Castelló de la Plana.

Obras

• El léxico catalán en la Romania (1976).
• La llengua catalana en els seus textos (1978)
• El panorama de la lexicografia catalana (1986).
• Problemes de la llengua a València i als seus voltants (1987)
• El español y el catalán, juntos y en contraste (1989).
• Estudis de filologia catalana i romànica (1997).
• Para la historia del léxico español (2002).
• De Ramon Llull al Diccionari de Fabra. Acostament lingüístic als monuments de les lletres catalanes (2003).