Festival Sinsal Audio

Festival Sinsal Audio
Instancia de festival de música
Datas  Fundación / creación 2003
Localización  Situado en Illa de San Simón, Cesantes, Redondela, provincia de Pontevedra, Galicia, España
Fontes e ligazóns  Páxina WEB sinsalaudio.es
Wikidata

O Festival Sin Sal Audio, coñecido popularmente coma Sinsal, é un festival de música celebrado na Illa de San Simón, na parroquia de Cesantes, en Redondela. A súa característica máis peculiar é que non ten programación coñecida de antemán, pois as bandas que actúan no festival non se coñecen por adiantado, senón unha vez os asistentes estean no lugar. Dende a súa primeira edición, en 2003, reuniu a bandas da talle de Alt-J, Triángulo de Amor Bizarro, Unicornibot, Maïa Vidal, Jane Joyd, Alela Diane, Christian Kjellvander, Nite Jewel, Múm ou Das Kapital, entre outros.

Historia

O festival Sinsal celébrase na actualidade na illa de San Simón, un espazo natural na contorna da enseada de San Simón, no fondo da ría de Vigo e coas localidades de Redondela, Soutomaior e Vilaboa nos arredores. Porén, o festival comezou en Vigo no ano 2003, en diversas salas e teatros da cidade. Máis tarde estendeuse tamén a outras cidades galegas como Santiago de Compostela, A Coruña, Ferrol e Pontevedra. A partir do ano 2010 a organización decidiu mudar a lugares máis naturais e recónditos a localización do festival, e bautizaron esa serie de eventos coma Festival AP9, por ser esta a autoestrada que vertebra as tres principais cidades galegas. No 2011 o festival mudou definitivamente á illa de San Simón.

Na edición do ano 2013 o festival aprazouse por mor da traxedia do Accidente de Angrois en Compostela.

Galería de imaxes

• 
  Cartaz do festival.
• 
  Actuación da banda Ben Zabo (Mali) no escenario San Simón, na edición do ano 2026 do festival.
• 
  Escenario no paseo dos Buxos.

Véxase tamén

Outros artigos

• Illa de San Simón
• Festas de Redondela

Ligazóns externas

• sinsalaudio.es Páxina web do festival.
• Javier Becerrá (3/8/2013). "Sinsal San Simón: O festival ao que se acode a cegas" La Voz de Galicia.