múm

Múm
Instancia de grupo musical
Características  Xénero artístico post rock
Datas  Fundación / creación 1997  Inicio de actividade 1997
Localización  Lugar de formación Islandia
Códigos e identificadores VIAF 143571239 ISNI 0000000099726119 Freebase /m/03jc3j
Fontes e ligazóns  Páxina WEB mum.is
Wikidata C:Commons

múm (pronunciado [muːm] segundo o IPA,) é un grupo de música experimental islandés formado a finais dos anos noventa.

Historia e compoñentes

A banda formouse en 1997. Os seus membros orixinais foron Gunnar Örn Tynes, Örvar Þóreyjarson Smárason,e as irmás xemelgas Gyða e Kristín Anna Valtýsdóttir. En 2002, Gyða deixou o grupo para seguir cos seus estudos en Reiquiavik. A comezos de 2006 tamén a súa irmá Kristín abandonou a banda, se ben isto non se soubo ata finais de novembro.

Estilo

Practican unha múscia experimental, na liña doutros grupos e solistas islandeses como Sigur Rós ou Björk, caracterizada por voces e marmurios suaves, efectos electrónicos, golpes e unha ampla variedade de instrumentos clásicos (acordeóns, trompetas, violíns...) e tradicionais, que normalmente non desempeñan un papel fundamental, senón accesorio.

O nome da banda non quere dicir nada. Como explicaron os membros da banda nunha entrevista, múm é como dous elefantes que se estean tocando coas trompas, na súa referencia gráfica.

múm en Galiza

Este grupo islandés tocou unha vez en Galiza. Foi no auditorio dos Salesianos de Vigo, o 4 de maio de 2004, e no marco do festival Sinsal. Actuou diante deles Mugison e as butacas estaban practicamente cheas.

Discografía

Álbums

• Yesterday Was Dramatic – Today Is OK (TMT, 2000). Dobre LP de debut.
• Finally We Are No One (Fat Cat Records, 2002), máis próximo ao pop pero tamén con máis temas experimentais.
• Loksins Erum Við Engin (Smekkleysa Records, 2002) — que é a versión en islandés de Finally We Are No One
• Summer Make Good (Fat Cat Records, 2004), cun maior peso das voces.

Escolmas

• Blái Hnötturinn (Not On Label, 2001) (Soundtrack)
• Please Smile My Noise Bleed (Morr Music, 2001) (3 New Tracks + Remixes)
• Remixed (TMT, 2002) (Versións de Yesterday Was Dramatic -Today Is Ok)

Singles e EPs

• "The Ballad of the Broken Birdie Records" (TMT, 2000)
• "Green Grass of Tunnel" (Fat Cat Records, 2002)
• "Nightly Cares" (Fat Cat Records, 2004)
• Dusk Log (Fat Cat Records, 2004)
• The Peel Session (Fat Cat Records, 2006)(Maida Vale 4 Studio 2002)

Ligazóns externas

• A web oficial dos múm