Fermín Fernández Armesto
Fermín Fernández Armesto, nado en A Mezquita (Ourense) o 11 de novembro de 1907 e finado na Coruña o 7 de maio de 1979, foi un médico, tradutor e lexicógrafo galego.
Era irmán do xornalista Felipe Fernández Armesto (Augusto Assía).
Traxectoria[editar | editar a fonte]
Fixo os seus estudos primarios en Ourense e Vigo, e os secundarios en Santiago. Na universidade desta cidade cursa a carreira de medicina, licenciándose en 1932.
Ao finaliar a licenciatura, ampliou estudos en Alemaña, durante os anos 1932 e 1933, cos profesores Baader e Schultze.
Entre 1934 e 1936 exerce como médico en Consuegra, Toledo.
Durante a Guerra Civil española serviu como capitán médico no exército da república, encargándose, entre outros cometidos, da organización de hospitais de sangue.
Desde 1939 a 1947 traballou co profesor Ramón Sarró no Hospital de Neuropsiquiatría Santa Ana de Barcelona, e como tradutor de alemán para a "Colección Antropológica" da Editorial Miracle. Así mesmo, foi cofundador da Editorial Daimón, e mantivo na revista Destino a columna "Ciencia y Medicina".
En 1946 recibe o "Premio Nacional de Traducción" polo seu abondoso e cualificado traballo como tradutor do alemán, así como do inglés, francés e portugués.
Desde 1950 a 1971 foi o editor da versión en castelá da revista científica vienesa "Archivos de Medicina Práctica".
E desde 1948 até 1977 foi inspector médico do Instituto Social da Mariña, na Coruña.
Dous anos máis tarde, o 7 de maio de 1979, morre nesta cidade, deixando sen rematar a última revisión da súa principal obra lexicográfica, o Dicionario castelán-galego, publicado postumamente en 1981 por Ediciós do Castro, con limiar de Rafael Dieste.
Principais obras[editar | editar a fonte]
- 1968 - "Feijóo, el reformador del Arte de Curar". Homenaje al Padre Feijóo. La Plata, Argentina: Universidad de La Plata. Facultad de Humanidades.
- 1981 - Dicionario castelán-galego. Sada (A Coruña): Ediciós do Castro. ISBN 84-7492-075-2.
- 1981 - Vocabulario castelán-galego. Sada (A Coruña): Ediciós do Castro. ISBN 84-7492-075-8.
|
