Feás, Cariño

Feás
	Igrexa de San Pedro de Feás.
Concello	Cariño
Provincia	A Coruña
Coordenadas	43°41′25″N 7°53′33″O / 43.6903, -7.8926
Poboación	178 hab. (2017)
Entidades de poboación	14
	[ editar datos en Wikidata ]

Para outras páxinas con títulos homónimos véxase: Feás.

San Pedro de Feás é unha parroquia que se localiza no sur do concello de Cariño. Segundo o IGE en 2010 tiña 201 habitantes (102 mulleres e 99 homes), distribuídos en 14 entidades de poboación, o que supón unha diminución en relación ao ano 1999 cando tiña 264 habitantes.

Toponimia

Feás é un fitónimo que indica un lugar onde abunda o feo, do latín Fēnales, de Fenu ("feo") + o derivativo de abundancia -ales.^[2]^[3]

Xeografía

Feás está situada no extremo sur do concello sobre a enseada de Susavila onde desemboca o río Seixo que atravesa esta pequena parroquia. Linda polo norte e polo oeste coa parroquia de Landoi dende a Punta do Cepo na beira da ría até o curso alto do río Seixo, polo sur limita coa parroquia de Veiga dende o monte da Franca até o rego do Mallo na enseada de Susavila e polo leste o límite e a Ría de Ortigueira, dende a Punta do Cepo até o rego do Mallo.

A estrada de Mera a Cariño cruza a parroquia de Sur a Norte pasando polos lugares de Susavila, A Rúa, Outeiro, Barral e Piñeiro.

Patrimonio

A igrexa parroquial, anexa da de Veiga, é de construción moderna. Ten planta de cruz latina e ao seu carón pegado ao adro está o cemiterio. Celébrase a romaría da Virxe dos Remedios.

O Castro da Cancela é un poboado castrexo de chaira, formado por unha croa superior e terraza. Está rodeado parcialmente por unha muralla que desaparece no lado norte e un foxo que segue en dirección leste.

Lugares e parroquias

Lugares de Feás

Lugares da parroquia de Feás no concello coruñes de Cariño
A Adega \| O Barral \| Casanova \| Condomiña \| Esteiro de Abaixo \| Esteiro de Arriba \| A Lamestra \| A Lavandeira \| As Leiras \| O Outeiro \| O Penso \| O Plantío \| A Rega \| Rúa de Abaixo \| Rúa Nova \| San Pedro \| San Roque

Parroquias de Cariño

Galicia \| Provincia da Coruña \| Parroquias de Cariño
Cariño (San Bartolomeu) \| Feás (San Pedro) \| Landoi (Santiago) \| A Pedra (Santa María) \| Sismundi (Santo Estevo)

Notas

↑ ^1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
↑ Navaza Blanco, Gonzalo (2006). Fitotoponimia galega (PDF). A Coruña: Fundación Barrié. p. 258. ISBN 84-95892-53-7.
↑ Ares Vázquez, Nicandro (2011). Estudios de toponimia galega, tomo I. Real Academia Galega. ISBN 978-84-87987-83-0.

Véxase tamén

Outros artigos

Lugares de Cariño

[nomenclátor-1] 1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

[2] Navaza Blanco, Gonzalo (2006). Fitotoponimia galega (PDF). A Coruña: Fundación Barrié. p. 258. ISBN 84-95892-53-7.

[3] Ares Vázquez, Nicandro (2011). Estudios de toponimia galega, tomo I. Real Academia Galega. ISBN 978-84-87987-83-0.

[1]

[2]

[3]