The Open Door

Na Galipedia, a Wikipedia en galego.

The Open Door
Álbum de Evanescence
Gravaciónsetembro 2005-marzo 2006
Estudio(s)Record Plant Studios, Ocean Way Studios e Capitol Studios
Duración54:10
Xénero(s)Metal alternativo,Metal Gótico
Selo(s)Wind-Up Records
Producido porDave Fortman
Cronoloxía
Fallen (2003) The Open Door Evanescence (2011)

The Open Door é o segundo álbum de estudio da banda americana Evanescence, coa discográfica Wind-Up Records. O primeiro país no que foi publicado foi Polonia o 25 de setembro de 2006, seguido os seguintes días dos outros países, sendo o último país Estados Unidos de América o 3 de outubro dese mesmo ano. Desde que saíu á venda leva vendidas máis de 6 millóns de copias en todo o mundo.

Características[editar | editar a fonte]

Nun principio, esperábase que o álbum fose publicado a comezos do 2006, mais a folga do guitarrista Terry Balsamo e a saída dos membros da banda Ben Moody e Tim McCord, entre outros motivos, atrasou a data ata setembro de 2006. A maioría das cancións foron escritas por Amy Lee e Terry Balsamo. Caracterízase por estar composto por letras escuras, onde o estilo predominante é rock gótico, aprécianse influencias clásicas, e tamén outros estilos como heavy metal, opera ou pop. Destaca a colaboración con The Millennium Choir nas cancións “Your Star” e “Lacrymosa”. A banda xa traballara con este coro no seu anterior álbum Fallen, en cancións coma “Whisper” e “Everybody's Fool”.

Listaxe de cancións[editar | editar a fonte]

Título Duración
1 Sweet Sacrifice 3:05
2 Call Me When You're Sober 3:34
3 Weight Of The World 3:37
4 Lithium 3:44
5 Cloud Nine 4:22
6 Snow White Queen 4:22
7 Lacrymosa 3:37
8 Like You 4:17
9 Lose Control 4:50
10 The Only One 4:40
11 Your Star 4:43
12 All That I'm Living For 3:48
13 Good Enough 5:31

A edición xaponesa conta, cunha canción máis, que é unha versión acústica de "Call Me When You're Sober". Outras cancións escritas pero que non foron incluídas na versión final do álbum foron:

  • The Last Song I'm Wasting On You
  • If You Don't Mind
  • Together Again ( publicada en 2012 co fin de recadar fondos para Haití, tralo terremoto sufrido)

Videografía e singles[editar | editar a fonte]

O primeiro single de presentación do álbum foi “Call Me When You're Sober”. O 8 de xaneiro de 2007, publican o seu segundo single “Lithium”, e o vídeo foi dirixido por Paul Fedor. O seu terceiro vídeo foi publicado o 25 de maio de 2007, e foi dirixido por Paul R. Brown para a canción “Sweet Sacrifice”. O último single do álbum foi para a canción “Good Enough” , e foi publicado o 11 de setembro de 2007.

Ademais disto, en outubro de 2007, “Weight of The World” foi single promocional só en Colombia.