Fallen é o primeiro álbum de estudio da banda americana Evanescence, coa discográfica Wind-up Records. Foi certificado 7 veces disco de platino pola RIAA (Asociación da Industria Discográfica de América) e vendeu máis de 15 millóns de copias desde a súa publicación en 2003. Na 46º entrega dos Grammy gañaron o premio a “Mellor artista novo” e “Mellor interpretación Hard Rock”.
Foi publicado a comezos do 2003, cando os membros oficiais da banda eran: Amy Lee, Ben Moody, Rocky Gray e John LeCompt. David Hodges tamén participou na escritura das cancións do álbum, mais este deixa a banda no 2002, antes do lanzamento do álbum.
Trala publicación, axiña alcanzan a fama co seu primeiro single Bring Me To Life, canción coñecida por formar parte da banda sonora da longametraxe Daredevil.
No álbum destacan cancións coma “Hello”, a cal Amy Lee dedica á súa irmá que faleceu aos 3 anos de idade de enfermidade, e “My Last Breath” , inspirada nos atentados do 11 de setembro de 2001 nos Estados Unidos.
O primeiro single foi "Bring Me To Life", canción coñecida por formar parte da banda sonora de Daredevil. En setembro de 2003, elixen coma segundo single "Going Under". En outubro de 2003, graban en Barcelona (España) un vídeo para o que sería o seu terceiro single "My Immortal", e foi publicado en decembro dese mesmo ano. O último single elixido é "Everybody's Fool", publicado o 7 de xuño de 2004.
