Ester Capella
.svg){kind=small}
Ester Capella i Farré, nada en La Seu d'Urgell o 3 de abril de 1963, é unha xurista e política catalá. Foi senadora designada polo Parlamento de Cataluña na X Lexislatura (2013-2016) e deputada no Congreso dos Deputados na XI Lexislatura.
Traxectoria
[editar | editar a fonte]Licenciada en Dereito pola Universidade de Barcelona, ó rematar a carreira colaborou coa cátedra de Dereito Civil de Lleida durante o curso 1987-1988. Avogada en exercicio dende 1988 está adscrita ó Colexio de Avogados de Barcelona e ó de Sant Feliu de Llobregat. Foi presidenta da Asociación Catalá de Xuristas Demócratas entre 2003 e 2007.[1][1][2]
No eido político, formou parte como independente na candidatura de Esquerra Republicana de Catalunya no Concello de Barcelona nas eleccións municipais de 2007 e foi elixida concelleira. Entre 2007 e 2011 foi a concelleira voceira de ERC no Concello. En 2008 afiliouse a ERC.[3]
En 2011 fíxose cargo da xerencia do barcelonés Instituto Municipal de Persoas con Discapacidade, que deixou en 2013 ó ser designada senadora polo Parlamento de Cataluña. Nas eleccións xerais españolas de 2015 foi elixida deputada por Barcelona.[3][4][5][6]
O 19 de maio de 2018 foi nomeada Conselleira de Xustiza polo presidente da Generalitat de Cataluña, Joaquim Torra. Foi investida como Conselleira de Xustiza o 2 de xuño de 2018.
Notas
[editar | editar a fonte]- 1 2 "Asociación Demos". Arquivado dende o orixinal o 04 de marzo de 2016. Consultado o 27 de marzo de 2016.
- ↑ "APDDA". Consultado o 17 de marzo de 2016.
- 1 2 "Ester Capella será la senadora de ERC". Consultado o 27 de marzo de 2016.
- ↑ "Xavier Trias incorpora a la ex concejal de ERC Ester Capella". Consultado o 27 de marzo de 2016.
- ↑ "Ficha del senado". Consultado o 27 de marzo de 2016.
- ↑ "Ficha del Congreso de los Diputados". Consultado o 27 de marzo de 2016.
