Manuel Hernández y Álvarez Reyero
  | |
| Biografía | |
|---|---|
| Nacemento | 17 de marzo de 1864 León, España |
| Morte | 18 de xullo de 1933 (69 anos) Soria, España |
| Datos persoais | |
| País de nacionalidade | España |
| Actividade | |
| Ocupación | arquitecto |
| Lingua | Lingua castelá |
Sinatura  | |
Manuel Hernández y Álvarez Reyero, nado en León o 17 de marzo de 1864 e finado en Cáceres no século XX, foi un arquitecto español vinculado á arquitectura civil da cidade de Santiago de Compostela.
Traxectoria
Hérnandez era fillo do enxeñeiro de camiños Manuel Hernández Muñoz e de Ninfa Álvarez Reyero.[1] Comezou os estudos de arquitectura en Madrid en 1883.
Tras presentar o proxecto de fin de carreira "Bolsa para Madrid" recibiu o título de arquitecto en 1892.[1] En 1896 foi director de obra do Palacio Episcopal de Astorga, deseñado por Antoni Gaudí.[1] Radicouse en Santiago de Compostela[2] en 1899 como arquitecto diocesano da Arquidiocese de Santiago de Compostela (cargo que ocupou ata 1914). Encargouse das obras da igrexa de Santa Lucía da Coruña,[1] e foi ademais profesor de debuxo na Escola de Artes e Oficios de Santiago. En 1910 abandonou a cidade para ocupara a praza de arquitecto municipal de Cáceres.[1]
A transición da arquitectura de comezos dos século XX cada ao modernismo corresponde en gran medida a Manuel Hernández y Álvarez Reyero, que exerceu como arquitecto municipal entre 1899 e 1910. Un importante número de vivendas da época asinadas por el mostran un estilo ecléctico e gusto modernista. Exemplos claro son a vivendas do número 17 da rúa do Castro na esquina coa Travesa da Universidade, de 1906 (aínda en pé), e tamén a do número 8 da rúa do Hórreo, de 1909 (hoxe derrubada).[3] Seu foi tamén o deseños do pavillón destinado a acoller o Centro Galego da Habana na cidade durante a celebración da Exposición Rexional de 1909[4].
Outros traballos seus foron o proxecto da igrexa neogótica situada en Caritel (Ponte Caldelas) (1903-1916), os cines Odeón e Royalty de Vigo (1916), a reconstrución en estilo gótico das fachadas das igrexas de Santiago de La Coruña (1897-1912) e Betanzos (1898-1901)[5].
Notas
- ↑ 1,0 1,1 1,2 1,3 1,4 Fernández Fernández, Xosé. Miscelánea coruñesa (en castelán). Librería Arenas. p. 141.
- ↑ Resumen de Arquitectura. Revista de la Sociedad Central de Arquitectos, nº 2, do 1 de febreiro de 1899, páx. 23 (en castelán).
- ↑ Anuario Brigantino, 2009, nº 32, páx. 353 (en castelán).
- ↑ Gallaecia Fvlget: (1495-1995): cinco séculos de historia universitaria, Universidade de Santiago, 1995, páx. 462
- ↑ "Manuel Hernández y Álvarez Reyero | Real Academia de la Historia". dbe.rah.es. Consultado o 2023-09-11.
