Science Centre Delft: Diferenzas entre revisións
Corrixíro se cooedenadas equivocadas |
Arranxo ortográfico |
||
| Liña 46: | Liña 46: | ||
O '''Science Centre Delft''' (en galego: "<span>'''Centro de Ciencia de Delft'''")</span> é unha institución que alterna o seu papel de [[museo]] [[Técnica|técnico]] e [[Científica|científico]] coas tarefas de [[investigación]], sita na [[cidade]] [[Holanda Meridional|surholandesa]] de [[Delft]], nos [[Países Baixos]]. Organicamente, forma parte da [[Universidade de Tecnoloxía de Delft]] (TU Delft).<ref>"[https://www.delta.tudelft.nl/article/science-center-delft Science Center Delft]". En ''Delta.tudelft.nl (en neerlandés)''</ref> |
O '''Science Centre Delft''' (en galego: "<span>'''Centro de Ciencia de Delft'''")</span> é unha institución que alterna o seu papel de [[museo]] [[Técnica|técnico]] e [[Científica|científico]] coas tarefas de [[investigación]], sita na [[cidade]] [[Holanda Meridional|surholandesa]] de [[Delft]], nos [[Países Baixos]]. Organicamente, forma parte da [[Universidade de Tecnoloxía de Delft]] (TU Delft).<ref>"[https://www.delta.tudelft.nl/article/science-center-delft Science Center Delft]". En ''Delta.tudelft.nl (en neerlandés)''</ref> |
||
O Science Center Delft amósalles aos visitantes dun xeito participativo o papel da tecnoloxía en temas |
O Science Center Delft amósalles aos visitantes dun xeito participativo o papel da tecnoloxía en temas actuais diversos, como o [[cambio climático]], a seguranza e os [[Videoxogo|xogos informáticos]] de carácter formativo. |
||
== A colección == |
== A colección == |
||
Revisión como estaba o 1 de abril de 2018 ás 20:14
| Science Centre Delft (Centro de Ciencia de Delft) | |
|---|---|
 | |
| Edificio | |
| Tipo | Museo científico |
| Localización |  Delft Holanda Meridional Países Baixos |
| Coordenadas | 52°0′25″N 4°22′11″L / 52.00694, -4.36972Coordenadas: 52°0′25″N 4°22′11″L / 52.00694, -4.36972 |
| Uso(s) | Desde 2008, museo científico e centro de investigación. |
| Construción | |
| Construción | 1912 |
| Equipo | |
| Arquitecto(s) | Jan Vrijman |
| [ editar datos en Wikidata ] | |
O Science Centre Delft (en galego: "Centro de Ciencia de Delft") é unha institución que alterna o seu papel de museo técnico e científico coas tarefas de investigación, sita na cidade surholandesa de Delft, nos Países Baixos. Organicamente, forma parte da Universidade de Tecnoloxía de Delft (TU Delft).[1]
O Science Center Delft amósalles aos visitantes dun xeito participativo o papel da tecnoloxía en temas actuais diversos, como o cambio climático, a seguranza e os xogos informáticos de carácter formativo.
A colección
O centro é un escaparate das innovacións científicas e das liñas de investigación que se desenvolven na TU Delft.[2]
No principal espazo expositivo, chamado Amazing Technology, expóñense produtos finais de proxectos dos estudantes desa universidade.[3][4]
O edificio
O Science Center Delft ocupa parte das instalacións da antiga facultade de Minaría e Extracción Petrolífera, no segundo andar dun edificio construído en 1912 segundo o proxecto de Jan Vrijman, o arquitecto do Goberno dos Países Baixos que se encargaba do deseño dos centros educativos. Este edificio recibiu en 2002 a consideración de monumento nacional dos Países Baixos (rijksmonument).[5]
Ata a década de 1960, no segundo andar deste edificio exhibíase a colección colonial do Museo Mineralóxico-Xeolóxico.
Ademais do Science Center Delft, o edificio alberga outras institucións públicas e privadas.
Historia
Prologómenos
O nacemento do museo remóntase á década de 1970, co nome de Centro de Exposicións Técnicas (en neerlandés: Technisch Tentoonstellingscentrum), que realizou unha serie de exitosas exhibicións itinerantes. Xa nos anos oitenta, aquel centro transformouse en Museo Técnico de Delft (Techniek Museum Delft). Este xermolo do centro actual estivo ata marzo de 2008 nas instalacións do antigo Laboratorio de Mecánica e Construción Naval da TU Delft. Nesa época, o museo exhibía permanentemente algunhas das coleccións históricas da universidade, con obxectos como máquinas-ferramenta, motores de vapor, gas e diésel, calculadoras mecánicas e robots, e para os cativos había diversas actividades e obradoiros.
A sede actual
Debido a que o propietario do edificio, o municipio de Delft, quería darlle ao edificio un destino diferente, e tendo en conta ademais que este xa quedara demasiado pequeno para a envergadura que o centro tomara, a finais de 2007 decidiuse pechar o Techniek Museum Delft, que en marzo de 2008 renaceu como Science Center Delft, xa na súa localiación actual.
Notas
- ↑ "Science Center Delft". En Delta.tudelft.nl (en neerlandés)
- ↑ "The making of a science centre". En Delta.Tudelft.nl (en inglés)
- ↑ "Fun With Science". En DeltaTudelft.nl (en inglés)
- ↑ "Vrolijk visitekaartje". En Delta.Tudelft.nl (en neerlandés)
- ↑ Ficha do edificio no Rijksmonumentenregister (en neerlandés)
Véxase tamén
Outros artigos
Ligazóns externas
- Sitio web oficial (en neerlandés)
- Techniek museum wordt science center (en neerlandés)
