Disquete

Disquete 90mm (3½ inch)

Disquete 5 1/4

Compoñentes internos dun disquete de 3½:
1. Rañura de protección contra a escrita
2. Eixo (hub)
3. Tampa móbil
4. Caixa de plástico
5. Anel de papel
6. Disco magnético
7. Sector do disco

O disquete (ou a disquete) é un disco removible de almacenamento fixo de datos. O termo equivalente en inglés é floppy-disk, eu significa "disco flexíbel".

Pode ter o tamaño de 3,5 polgadas con capacidade de almacenamento de 720 KB (DD, Double Density) até 2,88 MB (ED, Extra Density), aínda que o máis común actualmente sexa 1,44 MB (HD, High Density), ou 5,25 polgadas con almacenamento de 160 KB (Single Side = Face Simples) até 1,2 MB (HD).

Historia

Os disquetes (cuxo nomee foi escollido para ser similar á palabra "casete"), gozaron dunha gran popularidade nas décadas dos oitenta e os noventa, usándose en ordenadores domésticos e persoais ("PC") tales como Apple II, Macintosh, Commodore 64, Amiga e IBM PC para distribuír software, transferir datos entre ordenadores e crear pequenas copias de seguridade. Antes da popularización dos discos duros nos PC, os disquetes usábanse para almacenar sistemas operativos, aplicacións informáticas e outros datos. Moitas PC almacenaban de forma permanente o núcleo dos seus sistemas operativos en memorias ROM, pero gardaban os seus sistemas operativos nun disquete, como ocorría con CP/M ou, posteriormente, con DOS.

Tamén foi usado na industria dos videoxogos, cando Nintendo fixo un formato propio de disquete, parecido ao actual de 3 1/2, para usar cun periférico deseñado para a consola Famicom chamado Famicom Disk Drive. No entanto, só foi lanzado en Xapón. Tamén se vendían disquetes en branco, para gravar xogos na rúa, mediante máquinas automáticas instaladas nalgúns lugares de Xapón.

Coa chegada da década dos noventa, o aumento do tamaño do software fixo que moitos programas fosen distribuídos en conxuntos de disquetes. Cara ao final dos noventa, a distribución do software foi migrando gradualmente cara ao CD-ROM, e introducíronse formatos de copias de seguridade de maior densidade, como os discos Zip de Iomega. Coa chegada do acceso total á Internet, das redes Ethernet baratas e das memorias USB, os disquetes deixaron de ser necesarios para a transferencia de datos. A partir de entón, as copias de seguridade empezaron a ser realizadas en cintas magnéticas de alta capacidade como cintas de audio dixitales (DAT) ou streamers, ou a escribirse en discos compactos (CD) ou DVD. Un intento a finais dos noventa (sen éxito no mercado), de continuar cos disquetes foi o SuperDisk (LS-120), cunha capacidade de 120 MB (en realidade 120.375 MiB 6848 cilindros x 36 bloques/cilindro x 512 bytes, sendo o lector compatible cos disquetes estándar de 3½ polgadas).

Con todo, os fabricantes negábanse a suprimir a disqueteira dos seus equipos persoais pola compatibilidade e porque os departamentos da tecnoloxía da información de moitas empresas apreciaban un mecanismo de transferencia de arquivos integrado que sempre funcionase correctamente sen requirir ningún controlador. Apple Computer foi o primeiro fabricante que eliminou a disqueteira nun dos seus ordenadores coa chegada do modelo iMac en 1998, e Dell fixo que a disqueteira fose opcional nalgúns dos seus modelos en 2003. Con todo, ata a data, estes movementos aínda non marcaron o fin dos disquetes como medios populares de almacenamento e intercambio de datos.

Formatos

Formato do disquete	Ano de introdución	Capacidade de almacenamento (en kb se non está indicado)	Capacidade comercializada
8-polgadas (só lectura)	1969	80	←
8-polgadas	1972	183.1	1.5 Megabits
8-polgadas	1973	256	256 kB
8-polgadas DD	1976	500	0.5 MB
5¼-polgadas (35 pistas)	1976	89.6	110 kB
8-polgadas de dúas caras	1977	1200	1.2 MB
5¼-polgadas DD	1978	360	360 kB
3½-polgadas HP dunha cara	1982	280	264 kB
3-polgadas	1982	360	←
3½-polgadas (posta á venda DD)	1984	720	720 kB
5¼-pulga das QD	1984	1200	1.2 MB
3-pulga das DD	1984	720	←
3-pulga das Mitsumi Quick Disk	1985	128 to 256	←
2-pulga das	1985	720	←
5¼-pulga das Perpendicular	1986	100 MiB	←
3½-pulga das HD	1987	1440	1.44 MB
3½-pulga das ED	1990	2880	2.88 MB
3½-pulga das LS-120	1996	120.375 MiB	120 MB
3½-pulga das LS-240	1997	240.75 MiB	240 MB
3½-pulga das HiFD	1998/99	150/200 MiB	150/200 MB
Acrónimos:  DD =Dobre Densidade; QD= Cuádrupla Densidade; HD =Alta densidade ED=Densidade Estendida; LS= Servo Láser; HiFD = Disquete de alta capacidade

Formatos máis usados

Formatos de disquete 5"1/4

Tipo	Usado en	Sectores por pista	pistas por cara	Capacidade	Taxa de transferencia de bits
Dobre densidade	P.C./XT	8	40	160/320 KB	250 KBit/s
Dobre densidade	P.C./XT	9	40	180/360 KB	250 KBit/s
Alta densidade	AT	15	80	1,2 MB	500 KBit/s

Formato de disquete 3"1/2

Tipo	Usado en	Sectores por pista	Pistas por cara	Capacidade	Taxa de transferencia de bits
Dobre densidade	P.C./XT	9	80	720 KB	250 KBit/s
Alta densidade	AT	18	80	1,44 MB	500 KBit/s
Alta densidade extra	AT	36	80	2,88 MB	1 MBit/s

Desuso

O disquete considerouse na súa época como un dispositivo con gran capacidade de almacenamento, porén hoxe en día quedou obsoleto por almacenar pouca información para os padróns esixidos polo mercado. Outros soportes substituíron a súa función, tales como: e-mail, tarxeta de memoria (memory stick ou flash), pen drive (moitas veces en formato de chaveiro), CD-ROM e DVD regrabable etc.

Ligazóns externas

Informacións diversas en inglés