Xosé López Calo

Ficheiro:Xosé López Calo na homenaxe da banda de música 2011.jpg

Xosé López Calo en 2011.

Xosé López Calo, nado o 4 de febreiro de 1922 en Nebra, Porto do Son, é un musicólogo galego.

Traxectoria

Licenciado en Filosofía pola Universidade Pontificia de Comillas e en Musicoloxía no Instituto Pontificio de Música Sagrada en Roma. É tamén licenciado en Teoloxía. Socio fundador das sociedades de musicoloxía de España e Italia. É membro da Real Academia Galega e da Real Academia de Bellas Artes. Foi Secretario Xeral da Sociedade Internacional de Música Sagrada e Vicerreitor do Instituto Pontificio. Impulsou o estudo e a investigación sobre a música do Arquivo da Catedral de Santiago, e a reconstrución dos instrumentos do Pórtico da Gloria da Catedral de Santiago de Compostela. Así como a constitución do Coro Campus Stellae.

Na súa vida persoal é un relixioso xesuíta.

Galardóns e recoñecementos

• Medalla Castelao
• Premio Otero Pedrayo
• Premio Fernández Latorre
• Medalla de Ouro ao Mérito das Bellas Artes
• Premio Andrés Bello
• Medalla de Ouro da Cidade de Santiago de Compostela