N-536

Modelo:Estrada nacional

A N-536 é unha estrada de categoría nacional e que decorre parcialmente por territorio galego. Foi creada como estrada de primeira orde Ponferrada-Ourense. No século XX pasou a denominarse N-120, e a partir de 1987 esta estrada nacional foi subdividida en varios treitos con diversas denominacións: a N-536 entre Ponferrada e A Rúa, e baixo titularidade autonómica a OU-533 entre A Rúa e Freixido de Abaixo (Petín), a OU-636 entre Freixido de Abaixo e A Pobra de Trives e a OU-536 entre A Pobra de Trives e Ourense. O treito entre Arcos e Vilamartín de Valdeorras é compartido co trazado da N-120.

Trazado actual

A estrada une a comarca do Bierzo coa comarca ourensá de Valdeorras. Trátase da altenativa sur que une as capitais comarcais de Ponferrada co Barco de Valdeorras xa que a N-120 tamén decorre entre estas dúas comarcas.

O trazado da N-536 comeza na N-VI á altura do barrio ponferradino de Fuentesnuevas, pasa por diversas localidades bercianas en dirección suroeste, como Villalibre de la Jurisdicción, Priaranza del Bierzo, Santalla del Bierzo, Carucedo, Sobredo, Salas de la Ribera e A Ponte de Domingo Flórez antes de adentrarse en Galicia. En terreo ourensán a estrada pasa pola ribeira do Sil ata rematar na Rúa.