Os nenos
Esta páxina ou sección está a editarse nestes intres. Para evitar posibles conflitos de edición, non edites esta páxina ou sección mentres vexas esta mensaxe. Revisa o historial de edicións para saber quen traballa nela. O usuario HombreDHojalata (conversa · contribucións) realizou a última edición na páxina hai 9 anos. O tempo máximo de presenza deste marcador é dun mes dende a última edición do usuario que o puxo; pasado ese tempo debe retirarse. |
Os nenos | |
---|---|
Autor/a | Xosé Filgueira Valverde. |
Ilustrador/a | Luis Pintos Fonseca. |
Cuberta | Alfonso Daniel Rodríguez Castelao |
Orixe | España |
Lingua | Galego |
Xénero(s) | Prosa literaria: relatos breves |
Editorial | Lar [1] |
Data de pub. | setembro de 1925 |
Páxinas | 30 |
ISBN | 978-84-92923-61-8 |
[ editar datos en Wikidata ] |
Os nenos, é unha colección de relatos breves do pontevedrés Xosé Filgueira Valverde, publicada en 1925 por Lar.
Descrición
É a primeira obra de narrativa de Filgueira, con ilustración e as letras capitulares en linóleo de Luis Pintos Fonseca, e cuberta e contracuberta de Alfonso Daniel Rodríguez Castelao.[2]
“ | Entre o pazo de Briáns i-o de Brandobre, os Témes i-os Mariños fixéran unha fonte no adral da eirexa... | ” |
—XFV, comezo de Os nenos |
Os relatos de Os nenos volveron aparecer, publicados por Editorial Galaxia en 1971, formando parte do libro Quintana viva.
Contido
Está composta por quince relatos, que, daquela, non levaron título, porén si foron titulados cando reapareceron en Quintana viva (1971):
“Xenreira” |
“Doenza” |
Reedición
En abril de 2015, co gallo de adicárselle ao autor o Día das Letras Galegas dese ano, o Consello da Cultura Galega, do que o profesor Filgueira fora presidente, reeditou Os nenos, en edición facsímile, con limiar de Ramón Villares, os estudos críticos "Un latexar pola causa galega" de Fina Casalderrey (literario), "Filgueira Valverde e Pintos Fonseca" de Miguel Fernández-Cid (artístico) e sete ilustracións de David Pintor, sumando arredor dun cento de páxinas.[3]
Notas
- ↑ Impreso na Casa Antúñez, en Pontevedra. Custaba oito reás.[1]
- ↑ Ánxel Casal, un editor para un país Consello da Cultura Galega, 2007.
- ↑ "Reeditan "Os nenos", de Filgueira Valverde, ..." Faro de Vigo, 11/4/2015.
Véxase tamén
Bibliografía
- Os nenos, en PDF (2015) CCG (descarga directa, 2 MB, non inclúe as ilustracións de David Pintor). ISBN 978-84-92923-61-8.