Capela de San Miguel de Celanova

Capela prerrománica de S. Miguel.

A Capela de San Miguel de Celanova é unha construción prerrománica do Mosteiro de San Salvador de Celanova.

Planta.

Descrición

Da época da fundación do mosteiro só resta, na horta, esta pequena capela prerrománica de influencia mozárabe consagrada a San Miguel (coñecida como Capela de San Miguel), única no seu estilo en Galicia. Ergueuna San Rosendo como santuario-oratorio dedicado ao seu irmán. Ocupa 22 m², con seis de altura. A nave é de planta rectangular; o cruceiro está cuberto por unha bóveda de aresta e a ábsida é circular no interior e cadrada no exterior. Os tres espazos sepáranse mediante arcos de ferradura.

Segundo o investigador da Universidade de Vigo Roberto Vázquez Rozas a capela foi construída segundo as proporcións matemáticas de Euclides.

O templo consta de tres espazos: a nave, o espazo central e a ábsida. O módulo central ten 3,836 metros de longo, o duplo da lonxitude do rectángulo da ábsida (1,915 m 2,31 de ancho). Estas proporcións están relacionadas coas medidas árabes, que posiblemente determinaron o tamaño da edificación. Así, na capela aparece a relación de proporción de 6, 9 e 12 pés árabes na ábsida, a nave e o espazo cadrado central. Isto responde aos principios da sección áurea expostos por Euclides cara ao século III a. C.

Véxase tamén

Bibliografía

• Castillo, Ángel del (1987) [1972]. "152". En Fundación Pedro Barrié de la Maza. Inventario Monumental y Artístico de Galicia (Inventario de la riqueza monumental y artística de Galicia)^[1] (2ª ed.). A Coruña. p. 121. ISBN 84-85728-62-9. 
• Cobreros Aguirre, Jaime (2005). Guía del Prerrománico en España. Madrid. ISBN 84-9776-215-0. 
• Villa-amil y Castro, José (facsímile: 2005) 1904. Imprenta de San Francisco de Sales (facsímile: Ed. Órbigo, A Coruña), ed. Iglesias gallegas de la Edad Media, colección de artículos publicados por (en castelán). Madrid. pp. 1–7. ISBN 84-934081-5-8.