Sebastián Rodríguez Veloso
| Nome orixinal | Sebastián Rodríguez Veloso |
|---|---|
| Biografía | |
| Nacemento | 27 de febreiro de 1957 (67 anos). Cádiz. |
| Datos persoais | |
| Outros nomes | Chano. |
| Residencia | Vigo. |
| País de nacionalidade | española. |
| Actividade | |
| Ocupación | nadador  |
| Lingua | Lingua castelá |
| Deporte | Natación. |
| Disciplina deportiva | S5 (en)  |
| Adestrador | |
| Membro do equipo deportivo | C.N. Vigo Rías Baixas |
| Participou en | |
| 2012 | Xogos Paralímpicos de Londres 2012 |
| setembro de 2008 | Jogos Paralímpicos de Verão de 2008 (pt) |
| setembro de 2004 | Jogos Paralímpicos de Verão de 2004 (pt) |
| outubro de 2000 | Jogos Paralímpicos de Verão de 2000 (pt) |
| Outro | |
| Condenado por | asasinato |
| Cadro de medallas | |||
|---|---|---|---|
| Natación | |||
| Xogos Paralímpicos | |||
| Ouro | Sidney 2000 | 50 m estilo libre S5 | |
| Ouro | Sidney 2000 | 100 m estilo libre S5 | |
| Ouro | Sidney 2000 | 200 m estilo libre S5 | |
| Ouro | Sidney 2000 | 4×50 m estilo libre 20 pts | |
| Ouro | Sidney 2000 | 4×50 m estilos 20 pts | |
| Ouro | Atenas 2004 | 50 m estilo libre S5 | |
| Ouro | Atenas 2004 | 100 m estilo libre S5 | |
| Ouro | Atenas 2004 | 200 m estilo libre S5 | |
| Prata | Pequín 2008 | 200 m estilo libre S5 | |
| Prata | Pequín 2008 | 4×50 m estilo libre 20 pts | |
| Prata | Londres 2012 | 50 m estilo libre S5 | |
| Prata | Londres 2012 | 200 m estilo libre S5 | |
| Bronce | Pequín 2008 | 50 m estilo libre S5 | |
| Bronce | Pequín 2008 | 4×50 m estilos 20 pts | |
| Bronce | Londres 2012 | 100 m estilo libre S5 | |
Sebastián Rodríguez Veloso, máis coñecido como Chano Rodríguez, nado o 27 de febreiro de 1957 en Cádiz e veciño de Vigo, é un nadador multimedallista paralímpico español, ex-membro dos GRAPO.
Traxectoria
Como membro do grupo terrorista Grupos de Resistencia Antifascista Primero de Octubre participou en varios atentados, incluíndo ataques con explosivos e o asasinato en 1984 de Rafael Padura, presidente da Confederación de Empresarios de Sevilla, feitos polos que en 1985 foi condenado a 103 anos de cadea.
Estando en prisión, en 1990 fixo unha folga de fame de máis de catrocentos días que lle causaría graves problemas de saúde, ata o punto de provocarlle a falta permanente de mobilidade en ambas pernas, discapacidade que padece dende aquela, feito que suporía a súa excarceración en liberdade condicional en novembro de 1994.[1]
Trasladouse a Vigo, onde comezou a traballar vendendo o cupón da ONCE e a practicar natación, disciplina na que acadaría moitos éxitos, incluíndo quince medallas en varias edicións dos Xogos Paralímpicos (oito de ouro, catro de prata e tres de bronce) e outras moitas vitorias en cinco convocatorias dos campionatos do mundo de natación IPC.[2]
Un Real Decreto do Consello de Ministros do Goberno de España indultouno no ano 2007.[3] e en 2009 a Ministra de Educación concedeulle o ingresou na Real Orde do Mérito Deportivo, na categoría de Medalla de Ouro.[4]
Notas
- ↑ "Concedida la libertad al grapo Sebastián Rodríguez Veloso por sufrir parálisis" (en castelán). El País. Consultado o 9/8/2013.
- ↑ Comité Paralímpico Internacional (en inglés).
- ↑ "Los diez indultos más polémicos de la democracia española" (en castelán). Qué!. Consultado o 21/11/2013.
- ↑ Boletín Oficial del Estado