Ernst Hartert

Na Galipedia, a Wikipedia en galego.
Saltar ata a navegación Saltar á procura
Ernst Hartert
Ernst Hartert.jpg
Fotografía do autor en 1930
Nome completoErnst Johann Otto Hartert
Nacemento29 de outubro de 1859
 Hamburgo (Confederación Xermánica)
Falecemento11 de novembro de 1933
 Berlín (Terceiro Reich)
SoterradoWaldfriedhof Dahlem
ResidenciaReino Unido (1892-1930)
Nacionalidadealemá
Ocupaciónzoólogo, ornitólogo
PremiosFellow da Sociedade Zoolóxica de Londres,
membro da Unión Americana de Ornitoloxía (1891), e da British Ornithologists' Union (1893), medalla Godman-Salvin (1929)
editar datos en Wikidata ]
Tumba de Ernst Hartert en Waldfriedhof Dahlem, Berlín.

Ernst Johann Otto Hartert, nado en Hamburgo o 29 de outubro de 1859 e finado en Berlín o 11 de novembro de 1933, foi un zoólogo alemán especializado en ornitoloxía.

Traxectoria[editar | editar a fonte]

Desde mozo interesouse pola zooloxía e, en particular, pola ornitoloxía. Vixou África e ao Oriente Medio. En 1892 foi contratado por Lionel Walter Rothschild como conservador ornitolóxico do seu museo privado en Tring, cargo no que permaneceu até 1929.

Hartert publicou trimestralmnte o diario do museo Novitates Zoologicae (1894-1939) con Rothschild, e Hand List of British Birds (1912) con Jourdain, Ticehurst e Witherby. Escribiu tamén Die Vögel der paläarktishen Fauna (1903-1922) e viaxou pola India, África e Suramérica pola conta do seu patrón.

En 1930 retirouse a Berlín, onde morreu o 11 de novembro de 1933.[1]

Hartert foi o mentor de Erwin Stresemann, cuxos restos cremados foron enterrados na tumba de Hartert en 1972.[2]

Outras publicacións[editar | editar a fonte]

Entre as obras escritas por Ernst Hartert están:[3]

Abreviatura[editar | editar a fonte]

A abreviatura Hartert emprégase para recoñecer Ernst Hartert como autoridade na descrición e taxonomía en zooloxía.

Epónimos[editar | editar a fonte]

Unha especie de lagarto, Hemiphyllodactylus harterti , foi así nomeada na súa honra.[4] Así mesmo, os nomes de 12 especies de aves foron dedicados a este autor.

Notas[editar | editar a fonte]

  1. Rothschild 1934.
  2. Nöring, Rolf (1973): "Erwin Stresemann. 22-11-1889 – 20-11-1972". Journal für Ornithologie 114: 455-500 (en alemán).
  3. A lista completa das publicacións de Hartert encóntrase no seu obituario, Rothschild 1934.
  4. Beolens, Bo; Watkins, Michael & Grayson, Michael (2011): The Eponym Dictionary of Reptiles. Baltimore: Johns Hopkins University Press. ISBN 978-1-4214-0135-5.

Véxase tamén[editar | editar a fonte]

Bibliografía[editar | editar a fonte]

  • Rothschild, L. W. (1934). "Ernst Johann Otto Hartert (1859–1933): An Appreciation". Ibis 76 (2): 350–377 (+ plates IX & X). 
  • Witherby, H. F. (1933): "Ernst Johann Otto Hartert". En Nature, v. 123, nº 3344.
  • Stresemann, E. (1967): "Hartert, Ernst Johann Otto". En Neue Deutsche Biographie, Volume 7, p. 711. Berlin: Duncker & Humblot. ISBN 3-4280-0188-5.