El Libredón

	Instancia de xornal
	Título El Libredón (es)
	Lingua lingua castelá

El Libredón
	Instancia de xornal
	Título El Libredón (es)
	Lingua lingua castelá
Datas
	Data de comezo 1875
	Data de remate 1887
Cronoloxía
	Substitúe El Porvenir
	Substituído por El Pensamiento Gallego (1887)
Localización
	Lugar de publicación Santiago de Compostela
	País de orixe España
Fontes e ligazóns
	Descrito pola fonte Enciclopedia Galega Universal ; Gran Enciclopedia Galega Silverio Cañada ; Diccionario da literatura galega ;
	Wikidata

El Libredón foi un diario católico-tradicionalista que se publicou en Santiago de Compostela entre 1875 e 1887.

Historia e características

Subtitulado Periódico católico, político e literario, veu substituír a El Porvenir. Fundado por Andrés Rey Varela e polo editor José María Paredes, en cuxos obradoiros tipográficos se imprimiu na primeira etapa. Axiña pasou a ser o seu propietario e director Antonio Toledo Quintela ata a súa morte en abril de 1885. Na primeira etapa tivo como redactores a Juan Barcia Caballero, Manuel Barja Cerdeira, Santiago López Mosquera e Alfredo Brañas.

Segunda época

Subtitulado Periódico católico, converteuse nun periódico clerical, no que só aparecían noticias relacionadas coa Igrexa. Editábase na imprenta do Seminario. Cesou en 1883.

Terceira época

Reapareceu en 1885, coa dirección de Alfredo Brañas ata o 1 de xaneiro de 1887. Os redactores eran Constante Amor e Hermenegildo Calvelo e entre os colaboradores estiveron Juan Barcia Caballero, Salvador Cabeza de León, Antonio López Ferreiro e Ramón Segade Campoamor. Durante o tempo en que Brañas foi director, o xornal sumouse a posicións claramente rexionalistas. O último director foi Hermenegildo Calvelo. Cesou o 20 de marzo de 1887 por dificultades económicas. Foi substituído por El Pensamiento Gallego, xa de carácter claramente carlista.

Véxase tamén

Bibliografía

"Libredón, El". Enciclopedia Galega Universal. Ir Indo. 1999-2002. ISBN 84-7680-288-9.
Pérez Pais, María del Carmen (2005). "Libredón, El". Gran Enciclopedia Galega Silverio Cañada (DVD). El Progreso. ISBN 84-87804-88-8.

Santos Gayoso, Enrique (1990). Historia de la prensa gallega 1800-1986. Cuadernos do Seminario de Sargadelos (en castelán) 52. Sada: Ediciós do Castro. ISBN 84-7492-489-8.
Vilavedra, Dolores, ed. (1997). Diccionario da literatura galega. Publicacións periódicas II. Vigo: Editorial Galaxia. ISBN 84-8288-137-X.

Outros artigos