Hermenegildo Calvelo
  | |
| Biografía | |
|---|---|
| Nacemento | 20 de xaneiro de 1856 Carballo, España |
| Morte | setembro de 1918 (62 anos) Ourense, España |
| Causa da morte | gripe de 1918 |
| Datos persoais | |
| País de nacionalidade | España |
| Actividade | |
| Ocupación | xornalista , escritor , mestre |
| Lingua | Lingua castelá |
Hermenegildo Calvelo Rabuñal, nado en Carballo o 20 de xaneiro de 1856 e finado en Ourense a finais de setembro de 1918[1], foi un mestre, xornalista e escritor galego.
Traxectoria
[editar | editar a fonte]Despois de realizar estudos eclesiásticos, aínda que non chegou a recibir as ordes, desempeñou un posto administrativo na Universidade de Santiago de Compostela mentres estudaba Maxisterio. Obtivo escola en 1885 e foi mestre en Cuntis e dende 1897 en Mourente, cargo do que foi separado por expediente gobernativo en 1904.[2] Foi nomeado profesor de instrución primaria do cárcere de Vigo en 1913. Comezou a colaborar como xornalista en 1887 no periódico El Libredón de Santiago de Compostela, que acabou dirixindo. Foi director de El Áncora de Pontevedra (1897) e La Voz de Vigo (1909), colaborou en El Restaurador e foi o primeiro director de El Diario de Orense (1914-1918).[3] En Ourense foi funcionario de Facenda.[4] Morreu no outono de 1918, vítima da epidemia de gripe de 1918.
Obras
[editar | editar a fonte]- Discursos sobre Metafísica.
- Discursos de don Hermenegildo Calvelo (1885).
Notas
[editar | editar a fonte]- ↑ El Progreso, 2-10-1918, p. 3.
- ↑ El Magisterio Español, 23-1-1904, p. 7.
- ↑ El Eco de Santiago, 29-12-1913, p. 2.
- ↑ El Progreso, 27-4-1915, p. 3.
Véxase tamén
[editar | editar a fonte]Bibliografía
[editar | editar a fonte]- "Calvelo Rabuñal, Hermenexildo". Dicionario biográfico de Galicia 1. Ir Indo Edicións. 2010-2011. p. 164.
- Couceiro Freijomil, Antonio (1951-53). Diccionario Bio-bibliográfico de Escritores (en castelán) I. Bibliófilos Gallegos. p. 199.
- Díaz Díaz, Gonzalo (1983). Hombres y documentos de la filosofía española. Volumen II. C-D. Madrid: CSIC. p. 44. ISBN 84-00-05543-8.