José Martínez Pereiro

José Martínez Pereiro
	;
Biografía
Nacemento	1888 ; Noia, España
Morte	12 de setembro de 1957 (68/69 anos); A Coruña, España
Actividade
Ocupación	xornalista, mestre, avogado

José Martínez Pereiro, nado en Noia en 1888 e finado na Coruña o 12 de setembro de 1957,^[1] foi un avogado galego que exerceu de mestre, avogado e director do xornal El Ideal Gallego entre 1931 e 1936.

Traxectoria

Nado nunha familia burguesa de Noia, estudou dereito na Universidade de Santiago de Compostela. Un dos seus irmáns, Manuel Martínez Pereiro, foi Inspector Xeral de Traballo e Secretario Nacional de Acción Católica.^[2] O seu curmán de segundo grado,^[3] Alejandro Rodríguez Cadarso, foi un destacado político noiés que chegou a ser reitor da Universidade de Santiago ata a súa morte en 1933.

Ademais de exercer de avogado, José Martínez Pereiro traballou como mestre de escola en Porto do Son e Ribadeo antes de instalarse definitivamente na cidade da Coruña. Alí traballou para a Deputación provincial e foi nomeado deputado provincial en 1929. Dende 1927 e durante a Segunda República española traballou como director do xornal El Ideal Gallego.^[4] Logo do golpe de Estado do 18 de xullo de 1936 foi nomeado redactor xefe de La Voz de Galicia en agosto de 1937.^[5] No franqusimo foi letrado asesor do Concello da Coruña.

Faleceu dun infarto en 1957.