Educación preescolar

Sistema educativo español
Réxime xeral
Educación infantil Educación primaria Educación secundaria Educación secundaria obrigatoria Bacharelato Formación profesional Ensino superior Grao Mestrado Doutoramento
Réxime especial
Ensinanzas artísticas Ensino de idiomas Ensinanzas deportivas

Enténdese por etapa de educación preescolar á que precede a educación obrigatoria. A partir de 1990, coa implantación da LOGSE en España,^[1] denomínase Educación infantil e define a educación de 0 a 6 anos. Segundo os países, pode formar parte do sistema educativo ou considerarse só como centros ou servizos de coidado ou gardería dos cativos e cativas.

Orixe da etapa

En España, a Lei xeral de educación e financiamento da reforma educativa^[2] de 1970, tamén coñecida como Lei Xeral de Educación ou Lei Villar Palasi, define no artigo 13 a Educación Preescolar como aquela que ten como obxectivo fundamental o desenvolvemento harmónico da personalidade dos nenos e nenas. Dálle carácter voluntario e divídea en dúas etapas:

O Xardín da Infancia, de dous a tres anos, orientada á formación semellante á vida no lar.
A Escola de Párvulos, de catro a cinco anos, orientada a promover as virtualidades dos petís.

Esta lei ficou derogada coa implantación da LOGSE en 1990.

A Educación Preescolar na LOCE

Artigo principal: Lei orgánica de calidade da educación.

A Lei orgánica de calidade da educación (España) de 2002 prevía recuperar unha etapa preescolar de 0 a 3 anos con carácter educativo e asistencial segregada da Educación Infantil (de 3 a 6) que consideraba etapa escolar coa primaria, secundaria e bacharelato. Non chegou a aplicarse.

Profesorado de Educación Preescolar

De acordo co Lei Xeral de Educación, o profesorado de educación preescolar e educación xeral básica formábase nas escolas universitarias de profesorado de EXB (diplomaturas). Aínda así, durante varios anos, só se ofertou formación para as especialidades de profesorado da educación xeral básica e atrasaron a aprobación da especialidade de educación preescolar até 1981 coa Resolución do 5 de marzo, da Dirección Xeral de Ordenación Académica e Profesorado, “pola que se confire carácter definitivo ás autorizacións outorgadas con carácter experimental ás escolas universitarias de profesorado de EXB para impartir a especialidade de educación preescolar”^[3]. En Galiza, a primeira promoción de profesorado especialista en educación preescolar saíu en 1984 das cinco escolas universitarias galegas situadas na Coruña, Lugo, Ourense, Pontevedra, e Santiago, daquela todas elas da Universidade de Santiago. A efectos formais, o profesorado especialista de educación preescolar estaba integrado no Corpo de Profesores de Educación Xeral Básica^[2].

Centros de educación infantil

Véxase tamén: Educación infantil.

En Galiza, a etapa desenvólvese en centros autónomos que se chaman tradicionalmente garderías e máis modernamente centros/escolas de educación infantil, ou en centros ou colexios que agrupan a etapa infantil con etapas posteriores de educación primaria ou mesmo de educación secundaria, bacharelato e formación profesional. Así se dan denominacións como a de Centro/Colexio de Educación Infantil e Primaria (CEIP) que se localiza nun único lugar ou Colexio Rural Agrupado (CRA) que se sitúa na contorna rural e agrupa aulas de diversas localidades con pequerrechos e pequerrechas de Educación Infantil e Educación Primaria^[4].

Preescolar na Casa

Artigo principal: Preescolar na Casa.

En Galiza e dando resposta á dispersión de poboación que dificulta a asistencia dos máis novos a centros educativos, desenvolveuse un programa chamado Preescolar na Casa de 1977 a 2012 que reforzaba a educación dos meniños e meniñas de 0 a 6 anos nos fogares a través da formación dos pais e mais. Desde 2012, mantivo a actividade a través da Asociación Socio-Educativa Antonio Gandoy^[5]^[6].

Notas

↑ Jefatura del Estado (1990-10-04). "Ley Orgánica 1/1990, de 3 de octubre, de Ordenación General del Sistema Educativo". pp. 28927–28942. Consultado o 2022-08-05.
↑ ^2,0 ^2,1 "BOE.es - BOE-A-1970-852 Ley 14/1970, de 4 de agosto, General de Educación y Financiamiento de la Reforma Educativa.". boe.es. Consultado o 2022-08-10.
↑ Ministerio de Universidades e Investigación (1981-04-01). "Resolución de 5 de marzo de 1981, de la Dirección General de Ordenación Académica y Profesorado, por la que se confiere carácter definitivo a las autorizaciones otorgadas con carácter experimental a las Escuelas Universitarias de Profesorado de EGB para impartir la especialidad de Educación Preescolar.". pp. 7018–7018. Consultado o 2022-08-10.
↑ "centroseducativos". www.edu.xunta.gal. Consultado o 2022-08-10.
↑ Blanco, Rodolfo Luis Ferradás; López, José Pablo Franco (2018-01-28). "Preescolar na casa: de preparación para la escuela a educación familiar en el medio rural de Galicia (España) = Preescolar na casa: de preparación para a escola a educación familiar no medio rural de Galicia (España)". Historia y Memoria de la Educación (en castelán) (7): 335–389. ISSN 2444-0043. doi:10.5944/hme.7.2018.18740.
↑ "A asociación Antonio Gandoy comprou a maioría dos bens da extinta Preescolar na Casa". La voz de Galicia. 22 marzo 2013. Consultado o 28 marzo 2018.

[1] Jefatura del Estado (1990-10-04). "Ley Orgánica 1/1990, de 3 de octubre, de Ordenación General del Sistema Educativo". pp. 28927–28942. Consultado o 2022-08-05.

[:0-2] 2,0 ^2,1 "BOE.es - BOE-A-1970-852 Ley 14/1970, de 4 de agosto, General de Educación y Financiamiento de la Reforma Educativa.". boe.es. Consultado o 2022-08-10.

[3] Ministerio de Universidades e Investigación (1981-04-01). "Resolución de 5 de marzo de 1981, de la Dirección General de Ordenación Académica y Profesorado, por la que se confiere carácter definitivo a las autorizaciones otorgadas con carácter experimental a las Escuelas Universitarias de Profesorado de EGB para impartir la especialidad de Educación Preescolar.". pp. 7018–7018. Consultado o 2022-08-10.

[4] "centroseducativos". www.edu.xunta.gal. Consultado o 2022-08-10.

[:3-5] Blanco, Rodolfo Luis Ferradás; López, José Pablo Franco (2018-01-28). "Preescolar na casa: de preparación para la escuela a educación familiar en el medio rural de Galicia (España) = Preescolar na casa: de preparación para a escola a educación familiar no medio rural de Galicia (España)". Historia y Memoria de la Educación (en castelán) (7): 335–389. ISSN 2444-0043. doi:10.5944/hme.7.2018.18740.

[6] "A asociación Antonio Gandoy comprou a maioría dos bens da extinta Preescolar na Casa". La voz de Galicia. 22 marzo 2013. Consultado o 28 marzo 2018.

[1]

[2]

[3]

[4]

[5]

[6]