Eduardo Casanova

Na Galipedia, a Wikipedia en galego.
Saltar ata a navegación Saltar á procura
Eduardo Casanova
Eduardo Casanova Photo Call Skin Berlinale 2017.jpg
Nome completoEduardo Casanova Valdehita
Nacemento24 de marzo de 1991
LugarMadrid
NacionalidadeEspaña
Profesiónactor e director de cine
editar datos en Wikidata ]

Eduardo Casanova Valdehita, nado en Madrid o 24 de marzo de 1991, é un actor, guionista e director español. É coñecido polo público grazas ó seu papel como Fidel Martínez na serie de televisión Aída.

Traxectoria[editar | editar a fonte]

Empezou a traballar como actor ós doce anos. En 2005, con tan só quince anos, formou parte da serie de comedia Aída, emitida en Telecinco até 2014. Casanova interpretou a Fidel Martínez, o fillo de Chema (Pepe Viyuela) e a súa primeira esposa Marisa (Lola Dueñas).[1] Na primeira tempada da serie vemos como o mozo se instala no ficticio barrio de Esperanza Sur co seu pai. Pola súa intelixencia e as súas afeccións, non acaba de encaixar no barrio. Na quinta tempada, o personaxe declárase abertamente gai diante da súa familia e amigos.[2]

En 2007 participou na obra Diario de una pulga e en El Principito, montaxe na que estivo a traballar até 2008. En 2011 volveu ó teatro para participar na montaxe The Hole, un espectáculo que recibiu críticas moi positivas por parte da crítica e o público.[3]

En 2011 participou na película de Álex de la Iglesia La chispa de la vida, con José Mota e Salma Hayek.[4] Ese ano, con tan só 19 anos, escribiu e dirixiu a súa primeira curtametraxe: Ansiedad, que conta no seu elenco con nomes como Ana Polvorosa e Secun de la Rosa.[5] Por devandita curtametraxe conseguiu unha distinción no Festival de cine El Novelísimo de Hervás.[6]

En 2016, dirixe a súa primeira longametraxe Pieles, na que conta con actores e actrices do talle de Candela Peña, Macarena Gómez, Ana Polvorosa, Secun de la Rosa, Carmen Machi e Jon Kortajarena, entre outros. O filme narra diversas historias cruzadas sobre persoas con deformidades físicas que teñen problemas para encaixar na sociedade.[7] O filme foi producido por Álex de la Iglesia, Carolina Bang e Kiko Martínez.[8] En febreiro de 2017 participou na sección oficial Panorama da Berlinale. En marzo no Festival de cine de Málaga e en xuño de 2017 estreouse nas salas de cine de España.[9]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]