Dinastía selxúcida

Na Galipedia, a Wikipedia en galego.

Os selxúcidas foron unha dinastía turca oğuz que reinou nos actuais Irán e Iraq, así como en Asia menor entre mediados do século XI e finais do século XIII. Chegaron a Anatolia procedentes de Asia Central a finais do século X, causando estragos nas provincias bizantinas e árabes. Acabaron co Califato abasí e debilitaron considerablemente o Imperio Bizantino co seu empuxe relixioso cara Occidente.[1]

Os turcos selxúcidas son considerados como os devanceiros directos dos turcos suroccidentais, os habitantes actuais de Turquía, Gagauzia, Acerbaixán e Turcomenistán. Os selxúcidas desempeñaron un papel principal na historia medieval creando unha barreira a Europa contra os invasores mongois do leste, defendendo o mundo islámico contra as cruzadas de Europa e conquistando grandes extensións do Imperio Bizantino, que practicamente desmantelaron, sendo os seus sucesores os turcos osmanlís.

Notas[editar | editar a fonte]

  1. Encyclopedia Brittanica. "Seljuk Dynasty" (en inglés).