Os rangos Dan e Kyū están indicados pola cor do cinto ou polas raias.
Dan (段, nivel, etapa) é a denominación de cada un dos graos de habilidade atribuídos a alguén dentro do sistema de avaliación Dan-i, creado por Honinbo Dosaku (1645-1702), para o xogo Go. Máis tarde, foi adaptado para as artes marciaisxaponesas, por Jigoro Kano, creador do judo, que atinxir o nivel de dan significa superar os niveis máis básicos de aprendizaxe, e a partir de aí o practicante comeza a usar un distintivo, xeralmente un cinto negro. Nalgunhas artes marciais o portador do primeiro nivel pode tornarse instrutor.[1][2]
Os cintos negros foron usadas por primeira vez en 1883, no Instituto Kodokan, por Jigoro Kano, que dividiu seus alumnos en máis graduados e non graduados.[3] Desde entón, outras artes marciais xaponesas comezaron a adoptar tamén este modelo, como foi co Karate, no cal o paradigma foi introducido polo mestre Gichin Funakoshi. O Aikido posúe outra particularidade, que xurdiu ao longo do tempo e distingue os alumnos graduados con dan, que é o costume do uso do hakama, unha calza larga usada tradicionalmente polos samurai.[4] Chegar ao nivel de dan significa superar o nivel de kyu; a partir de aí o practicante usa cinto negro, e xeralmente pode tornarse instrutor. En aikido, é o momento a partir do cal é permitido o uso de hakama para os homes (as mulleres tradicionalmente xa poden usalo a partir do 2ºkyu).
Existen distintos niveis, ou dan, usualmente progresando de primeiro até noveno ou décimo. Os máis baixos normalmente poden ser atinxidos a través de exames ou competicións; os máis altos poden demandar décadas de experiencia e contribución para a arte, por intermedio de actividades de instrución, pescuda ou a publicación de traballos escritos. Esas graduacións só poden ser revisadas polos representantes xerarquicamente máis elevados dun determinado estilo ou organización.[1]
O nivel máis alto grao é ás veces reservado ao fundador dunha arte, e só el pode revisar outros niveis equivalentes. Por causa diso, nalgunhas artes marciais, este nivel se torna extinguido tras a morte do seu fundador.[5]
