O wushu, coñecido tamén como wushu moderno ou wushu contemporáneo, é, á vez, un deporte de exhibición e de contacto, derivado das artes marciais da China. O wushu componse de dúas disciplinas: taolu (rutinas) e sanda (combate).
As rutinas de taolu son patróns de exercicios e manobras de carácter ximnástico, baseado nas artes marciais da China en base ás cales se xulga ós competidores e se lles asigna unha puntuación segundo unhas normas específicas. As rutinas comprenden movementos básicos (posicións, patadas, puñadas, equilibrios, saltos e xiros) relacionados con algún estilo tradicional de arte marcial chinesa e poden ser modificados co obxectivo de demostrar unha maior habilidade de tipo ximnástico (nandu).
.jpg?lang=gl)
