Cristina García Rodero

Na Galipedia, a Wikipedia en galego.
Saltar ata a navegación Saltar á procura
Cristina García Rodero
Cristina García Rodero.jpg
Cristina García Rodero nun acto en Donostia
Nome completoCristina García Rodero
Nacemento14 de outubro de 1949
 Puertollano
NacionalidadeEspaña
Alma máterUniversidade Complutense de Madrid
OcupaciónFotógrafa e fotoxornalista
PremiosPremio Dr. Erich Salomon (1990)
Premio Kaulak de Fotografía (1995)
Premio Nacional de Fotografía (1996)
editar datos en Wikidata ]

Cristina García Rodero, nada o 14 de outubro de 1949 en Puertollano (Provincia de Cidade Real), é unha fotógrafa española. Membro da Real Academia de Belas Artes de San Fernando e a primeira e única persoa de nacionalidade española integrante de Magnum Photos.

Traxectoria[editar | editar a fonte]

Licenciada en Belas Artes pola Universidade Complutense de Madrid, comezou a súa carreira docente no ano 1974 dando clase de debuxo na Escola de Artes e Oficios de Madrid. En 1983 comezou a impartir clases de fotografía na Facultade de Belas Artes na UCM, que seguiu realizando ata 2007.

Traxectoria artística[editar | editar a fonte]

As súas primeiras obras apareceron nos concursos universitarios a finais da década de 1960. En 1973 comezou a fotografar costumes e festas por toda España, para o que recibe unha bolsa de estudos. Máis tarde realizou reportaxes sobre tradicións en diferentes países.

En 2005 conseguiu entrar a formar parte da axencia de fotoxornalismo Magnum Photos, sendo a primeira e única persoa española en conseguilo.[1]

O 18 de febreiro de 2013, en Sesión Plenaria Extraordinaria celebrada pola Real Academia de Belas Artes de San Fernando, foi elixida como Académica de Número para a sección de Novas Artes da Imaxe, ocupando a medalla vacante que posuíra Luis García Berlanga.

No 2019 foi elixida académica de honra da Real Academia Galega de Belas Artes.

Libros publicados[editar | editar a fonte]

  • España oculta, Ed. Lunwerg S.L., Barcelona, 1989 ISBN 84-7782-779-6
  • Grabarka, o monte das 600 cruces: unha peregrinación ortodoxa en Polonia, Ed. Xunta de Galicia, Santiago de Compostela, 2000 ISBN 84-453-2846-8
  • Lo Festivo y lo Sagrado, Ed. Consellería de Cultura da Comunidade de Madrid, Madrid, 2001
  • Cristina García Rodero, Ed. La Fábrica, Madrid, 2004 ISBN 84-95471-92-2
  • A peregrinación a Santiago en Haití, Ed. Xunta de Galicia, Santiago de Compostela, 2004 ISBN 84-453-3832-3
  • Benicàssim. El Festival, Ed. ACTAR, Barcelona, 2007 ISBN 978-84-96954-27-4
  • Trastempo, Ed. La Fábrica, Madrid, 2010 ISBN 978-84-453-4956-4
  • Lalibela, Ed. La Fábrica, Madrid, 2017 ISBN 978-84-17048-19-8

Museo Cristina García Rodero[editar | editar a fonte]

O 12 de setembro de 2018 inaugurouse na súa vila natal o Museo Cristina García Rodero, o primeiro centro adicado a unha fotógrafa.[2] O espazo alberga unha sala permanente con obras da propia artista.

O museo atópase nas instalacións do antigo Museo Municipal e foi financiado polo Concello de Puertollano, a Xunta de Castela-A Mancha e a Deputación de Cidade Real.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]