Conceyu Xoven promovía a unidade territorial e política de tódolos territorios de cultura leonesa (o denominado País Llïonés), o autogoberno e a oficialidade da lingua leonesa neles.
Conceyu Xoven chegou a ter 1.500 membros e 20 comités ao longo da xeografía do País Leonés e obtivo a maioría de representantes estudantís na Xunta de Goberno da Universidade de León en 2002. Membros deste movemento teñen participado en varias eleccións nas provincias de León e Zamora dentro das listas do partido rexionalista UPL e na de Salamanca dentro das listas da UPS.
A bandeira do movemento é un campo vermello cun círculo dourado e un símbolo leonés tamén de ouro dentro del.
