Coleoideos

Na Galipedia, a Wikipedia en galego.
Saltar ata a navegación Saltar á procura
Coleoideos
Coleoidea

Rango fósil: carbonífero - actualidade
Loligo vulgaris
Loligo vulgaris
Clasificación científica
Superreino: Eukarya
Reino: Animalia
Subreino: Eumetazoa
(sen clasif.) Bilateria
Filo: Mollusca
Clase: Cephalopoda
Subclase: Coleoidea
Bather, 1888
Cohortes e Ordes
  • Véxase o texto

A dos coleoideos (Coleoidea) é unha subclase de invertebrados protóstomos bilaterais, mariños, do filo dos moluscos e clase dos cefalópodos.[1]

Coñécense desde o carbonífero, foron moi abundantes no mesozoico, sobre todo no cretáceo, e hoxe en día a subclase agrupa a todos os cefalópodos vivos a excepción dos nautiloideos. Inclúe animais tan coñecidos como as luras, as sepias e os polbos.[2]

Características[editar | editar a fonte]

A diferenza dos nautiloideos, que posúen unha cuncha externa, os coleoideos teñen como moito unha cuncha interna que actúa como flotador e/ou soporte do corpo; algunhas especies carecen por completo de cuncha, e noutras está substituída por unha estrutura cartilaxinosa.

Taxonomía[editar | editar a fonte]

Descrición[editar | editar a fonte]

A subclase foi descrita en 1888 polo xeólogo, paleontólogo e malacólogo británico Francis Arthur Bather.

Etimoloxía[editar | editar a fonte]

O nome científico Coleoidea está formado pola forma do latín científico cole-, tirada da voz do grego antigo κολεός ‎koleós, 'estoxo', 'vaíña', co adición da desinencia -oidea, derivada do grego εἴδος eídos, 'aparencia', 'aspecto'. Literalmente, 'os que teñen forma de estoxo'.[3]

Clasificación[editar | editar a fonte]

Segundo o ITIS:[4]

Subclase Coleoidea Bather, 1888

Porén, os taxa Decabrachia e Octobrachia non son considerados válidos polo World Register of Marine Species, que os substitúe polos de Decapodiformes e Octopodiformes.[1]

Así, no WoRMS temos:

Outros autores, que inclúen tamén as ordes extintas, fan esta outra clasificación:

Subclase Coleoidea

Cohorte Belemnoidea
Orde Aulacocerida
Orde Belemnitida
Orde Hematitida
Orde Phragmoteuthida
Cohorte Neocoleoidea (a maioría dos cefalópodos vivos)
Superorde Decapodiformes
Orde Boletzkyida
Orde Sepiida - sepias
Orde Sepiolida
Orde Spirulida
Orde Teuthida - luras
Superorde Octopodiformes
Orde Octopoda - polbos
Orde Vampyromorphida

Evolución[editar | editar a fonte]

Os primeiros rexistros fósiles dos coleoideos datan do do mississipiense (carbonífero), hai máis de 330 millóns de anos. Describíronse algúns fósiles máis antigos, do Devoniano,[9] pero algúns deles son dubidosos, e os paleontólogos non están de acordo sobre se son coleoideos. Os grandes grupos de coleoideos baséanse na estrutura e o número de tentáculos. Os primitivos belemnoideos tiñan presumibelmente dez brazos iguais. As formas actuais modificaron ou perderon un par de tentáculos; así, os decapodiformes posúen un par de brazos modificados en longos tentáculos que teñen ventosas só na súa extremidade; los octopodiformes reduciron ou perderon por completo un par de tentáculos.

Notas[editar | editar a fonte]

  1. 1,0 1,1 Coleoidea no WoRMS.
  2. Coleoidea Bather, 1888 en Tree of Life (en inglés).
  3. Coleoidea en wordnik.com
  4. Coleoidea Bather, 1888 no ITIS.
  5. Octobrachia Fioroni, 1981 no ITIS.
  6. Decapodiformes no WoRMS.
  7. nomen dubium, inclúe [Myopsida + Oegopsida], que non está demostrado que formen un clado.
  8. Octopodiformes no WoRMS.
  9. Bandel, Klaus; Reitner, J. & Sturmer, W. (1983): "Coleoids from the Lower Devonian Black Slate ("Hunsruck-Schiefer")". Neues Jahrbuch für Geologie und Paläontologie, Abhandlungen (Stuttgart) 165 (3): 397–417.

Véxase tamén[editar | editar a fonte]

Ligazóns externas[editar | editar a fonte]