Club Hielo Jaca

Club Hielo Jaca
Fundación	1972
Cidade	Jaca, Aragón España
Estadio	Pavillón de Xeo de Jaca (2 000 persoas)
Liga	Liga Nacional Hockey Hielo Liga Nacional de Hockey Hielo Feminina
Campionatos	15 (masculino) 1 (feminino)
Cores	Vermello e branco
Na rede
https://www.clubhielojaca.com/

O Club Hielo Jaca, é un equipo español de hóckey sobre xeo da cidade de Jaca, Huesca (Aragón). Actualmente compite na Superliga Española de Hóckey Xeo, a máxima categoría do hóckey sobre xeo do Estado español. Xoga os seus partidos como local no Pavillón de Xeo de Jaca, inaugurado en 2008 e con capacidade para 2 000 espectadores. Ademais do equipo sénior de hóckey, conta cunha sección feminina e categorías inferiores. Tamén posúe un equipo de curling e unha sección de patinaxe artística.

Trátase do único club que disputou todas as edicións da Liga Nacional Hockey Hielo e o club aragonés máis laureado. O Jaca gañou 15 campionatos, así como a Copa do Rei en 18 ocasións.

Historia

As orixes do club remóntanse a 1968, cando o daquela alcalde de Jaca, Armando Abadía, solicitou a construción dun polideportivo ao Consello Superior de Deportes. O seu interlocutor en Madrid era Juan Antonio Samaranch, daquela Delegado Nacional de Educación Física e Deportes, quen lle propuxo a construción dun "campo de deportes de xeo", con cuxo financiamento se comprometeu Samaranch. Deste xeito comezaron as obras nos terreos coñecidos como Villa Fermina, que xa acollían o campo de fútbol da localidade.

O CH Jaca foi fundado en 1972, coincidindo coa inauguración da Pista de Xeo de Jaca, cuxo custo elevouse ata os 23 millóns de pesetas. En 1984 o Jaca gañou o seu primeiro título de liga. Gañou tódolos seus títulos dende mediados da década dos '80, os máis recentes foron o título de liga de 2024 e o de copa de 2024. De tódolos equipos españois ten o mellor récord nas competicións europeas. Porén, o progreso, con oito vitorias en 37 partidos segue sendo moi negativo. Durante a IIHF Continental Cup da tempada 2005-06, o equipo aragonés gañou os tres partidos da primeira rolda ante o HK Slawia Sofia de Bulgaria, o Hapoel Amos Lod de Israel e o Polis Akademisi Ankara de Turquía, mais perdeu tódolos partidos da segunda rolda ante o HK Junost Minsk de Belarús, Kaszink-Torpedo Ust-Kamenogorsk de Kazakhstán e o HK Sokol Kiew de Ucraína.

Na tempada 2022-23 o club fixo historia ao converterse no primeiro equipo en gañar a liga tanto en categoría feminina como masculina, títulos aos que amais sumou a Copa do Rei. Na tempada seguinte, chegou o adestrador francés Benoît Pourtanel ao equipo masculino, que conseguiu un novo doblete logo de derrotar nas finais da liga o SH Majadahonda, contra o que comezou perdendo os dous primeiros partidos na casa para logo acabar impoñéndose no quinto partido, e na final da Copa do Rei aos mesmos adversarios por 4-2 (2-1, 1-1, 1-0).

O 16 de febreiro de 2025 o CH Jaca converteuse no primeiro campión da recentemente creada Liga Ibérica de Hóckey Hielo logo de conseguir un rexistro de 17 vitorias (unha delas na prórroga) e unha única derrota para un total de 50 puntos.

Pavillón

Artigo principal: Pavillón de Xeo de Jaca.

O Club Hielo Jaca xoga os seus partidos como local no Pavillón de Xeo de Jaca.

O Club Hielo Jaca disputa os seus partidos como local no Pavillón de Xeo de Jaca, un pavillón que constitúe un dos atractivos turísticos da cidade. Foi inaugurado en 2007 e conta con dúas pistas de xeo, unha de dimensións olímpicas (60 x 30 metros) e outra de menores dimensións (50 x 20 metros), tratándose do primeiro edificio de España en contar con dúas pistas de xeo. A pista principal conta con bancadas para dar cabida a 1 891 persoas, se ben a capacidade do recinto se pode ampliar ata as 3 579 persoas mediante a instalación doutras estruturas de bancadas de carácter provisional, e ata as 6 700 persoas para espectáculos con público de pé sobre as pistas.

Rivalidades

O Jaca e o Puigcerdà durante as finais da liga 2014-15.

O Club Hielo Jaca mantén unha longa rivalidade co Club Gel Puigcerdà, co que disputa o derby pirenaico. As orixes desta rivalidade atópanse na década de 1980, cando ambos equipos comezaron a loitar por ocupar os primeiros postos da clasificaión, que ata aquel momento dominaran os equipos vascos.

Un dos detonantes da rivalidade foi a final da Copa do Rei de 1993 que se disputou o 1 de maio en Puigcerdà e que gañou o equipo local. A tempada seguinte o cadro aragonés desquitouse gañando a liga en Puigcerdà na derradeira xornada nun pavillón cun ambiente moi hostil.

Equipo feminino

En 2004 chegou o primeiro intento de crear un equipo feminino, integrado por adolescentes de entre 14 e 15 anos que adestraban unha hora semanal co técnico ucraíno Sergei Garkusha, mais a falta de técnica das xogadoras por non ter xogado nunca fixo que o proxecto non continuara.

Coa creación da Liga Nacional de Hockey Hielo Feminina en 2008 o club uniuse á competición, mais a súa presenza foi intermitente ata o ano 2018. En 2023 o equipo feminino conseguiu o seu primeiro campionato de liga e o 34º título do club. A consecución deste título supuxo un forte impulso ao hóckey feminino na localidade.

Canteira

A maior parte dos xogadores do Club Hielo Jaca naceron na vila. Os nenos entran en contacto co hóckey sobre xeo xa en idade escolar a través dos programas de promoción do club, o que posibilitou á entidade aragonesa contar cun fluxo constante de xogadores e a non dependencia de xogadores estranxeiros.

O equipo conta con numerosas categorías, dende as escolas de hóckey sobre xeo ou o equipo sub-9, ata o equipo sub-18, con máis dun 40% de fichas femininas en 2024.

Palmarés

Masculino

• 15 Ligas españolas: 1983-84, 1990-91, 1993-94, 1995-96, 2000-01, 2002-03, 2003-04, 2004-05, 2009-10, 2010-11, 2011-12, 2014-15, 2015-16, 2022-23, 2023-24
• 1 Liga Ibérica de Hockey Hielo: 2024-25
• 18 Copas do Rei: 1985, 1988, 1989, 1993, 1995, 1996, 1998, 2001, 2002, 2003, 2006, 2011, 2012, 2013, 2017, 2021, 2023, 2024

Feminino

• 1 Ligas españolas: 2023

Participacións na Copa de Europa

Tempada	Rolda	Adversario	Resultado(s)
1984-85	1ª Rolda	Steaua Bucarest	1-14 ; 4-7
1991-92	1ª Rolda	Dragons de Rouen HC Bolzano HC Utrecht	0-13 2-17 0-7
1994-95	1ª Rolda	EHC Kloten VEU Feldkirch Lillehammer IK	3-19 2-17 3-15
1996-97	1ª Rolda	Steelers de Sheffield Steaua Bucarest Tilburg Trappers	0-16 1-7 8-12
1997-98	1ª Rolda	Dunaferr Acélbikák Partizan Belgrade	2-8 7-4
1998-99	1ª Rolda	CG Puigcerdà SC Energija Dukla Trenčín	6-1 3-2 1-20
2000-01	1ª Rolda	Ferencváros TC Miercurea Cluc KT Ust-Kamenogorsk	2-5 1-3 0-14
2001-02	1ª Rolda	Rødovre Mighty Bulls Tilburg Trappers Brûleurs de Loups de Grenoble	1-6 2-6 1-4
2002-03	1ª Rolda	Amstel Tijgers Amsterdam KT Ust-Kamenogorsk HK Vojvodina Novi Sad	1-7 0-13 3-5
2003-04	1ª Rolda	Tilburg Trappers FC Barcelona Phantoms Deurne	5-13 5-3 3-8
2004-05	1ª Rolda	SC Energija KHL Medvescak Zagreb Partizan Belgrade	4-8 1-3 15-1
2005-06	1ª Rolda	HK Slawia Sofia Hapoel Amos Lod Polis Akademisi Ankara	5-2 13-2 7-4
	2ª Rolda	HK Sokol Kiew HK Junost Minsk KT Ust-Kamenogorsk	0-4 0-8 0-10

Balanzo europeo

Partidos xogados	Vitorias	Empates	Derrotas	Goles a favor	Goles en contra	Diferenza
37	8	0	29	112	308	-196

Recoñecementos

O Club Hielo Jaca é o club deportivo máis laureado de Aragón. Ademais o club recibiu os seguintes recoñecementos:

• En 1984 foi recoñecido co premio de mellor club español da Asociación Prensa Españolala.
• O Consello Superior de Deportes concedeulle a Placa de Bronce ao Mérito Deportivo en xaneiro de 1998.
• Foi dúas veces recoñecido coa Medalla de Ouro ao Mérito Deportivo outorgada polo Goberno de Aragón nos anos 1998 e 2023.
• En 2011 recibiu o Premio "Gobierno de Aragón" ao Mellor Club de Aragón.

Notas

Referencias

Véxase tamén

Ligazóns externas

• Web oficial do CH Jaca (en castelán)
• Blog de novas do CH Jaca (en castelán)