Club Gel Puigcerdà

CG Puigcerdà
Fundación	1958
Cidade	Puigcerdà,; Cataluña; España
Estadio	Pavelló de Gel de Puigcerdà; (1 400 persoas)
Liga	LNHH
Campionatos	6
Cores	Amarelo e negro;

O Club Gel Puigcerdà é un club catalán de hóckey sobre xeo da localidade de Puigcerdà, en Cerdaña.

Historia

Os antecedentes do Club de Gel Puigcerdà remóntanse ao ano 1956, cando se fundou un equipo de hóckey sobre xeo no colexio Pensionat d'Alta Muntanya (escolapios) da vila, que fora pioneiro na práctica da patinaxe sobre xeo. O hóckey sobre xeo fora introducido un ano antes, proveniente de Núria, por Pere Dosta Anglada. O 26 de febreiro de 1956, xogouse un partido no estanque conxeado da localidade, onde o Club Gel Puigcerdà disputou tamén os seus primeiros encontros.^[1]

O 10 de febreiro de 1957 organizouse un festival de xeo na pista descuberta e sen finalizar do lago. Os días 18 e 19 de xaneiro de 1958 inaugurábase a pista cun festival internacional de xeo. A partir de dito festival, os clubs de hóckey da vila que trocaran as rodas polas coitelas foron integrados na A.E.P (Antics Alumnes de l'Escola Pia),^{[Cómpre referencia]} que xogaron varios partidos, tanto con equipos cataláns como estranxeiros ata 1964.^[1] Debido á imposibilidade de dispor de xeo estable a causa da meteoroloxía, uns cantos xogadores decidiron ir xogar a Font-Romeu para poder continuar a patinar sobre xeo. Con todo, a efectos federativos, non podían xogar no recentemente creado equipo da Union Sportive Font-Romeu.^{[Cómpre referencia]}

En 1973 o Club Gel Puigcerdà converteuse nun dos equipos fundadores da liga española. En 1983 inaugurouse en Puigcerdà o actual pavillón de xeo, o Pavelló de Gel de Puigcerdà, no que o club disputa os seus partidos como local,^[1] o Club Poliesportiu Puigcerdà. O 8 de agosto do 2006 o CG Puigcerdà xogou o primeiro partido feminino da súa historia.

O 8 de agosto de 2006 debutou o equipo feminino do club.^[1]

Pavillón

Artigo principal: Pavelló de Gel de Puigcerdà.

Os equipos do CG Puigcerdà xoga os seus partidos como local no Pavelló de Gel de Puigcerdà. O edificio foi inaugurado en 1983,^[2] e a súa pista de xeo ten unhas dimensións de 56×26 metros. As súas bancadas teñen capacidade para unhas 1 400 persoas.^[3]

Dende a súa inauguración experimentou numerosas reformas para a mellora do sistema de enfriamento da pista, o cambio da cuberta, ou a substitución do antigo valo perimetral.^[4]

Palmarés

Masculino

6 ligas españolas: 1985-86, 1988-89, 2005-06, 2006-07, 2007-08, 2019-20
13 Copas do Rei: 1983, 1984, 1986, 1987, 1992, 1999, 2004, 2005, 2007, 2008, 2009, 2010,^[5] 2022
2 Copas Federación: 2005-06 e 2006-07
6 Copas de Cataluña: 1984-85, 2002-03, 2003-04, 2005-06, 2007-08, 2008-09

Feminino

1 Copa da Raíña: 2024

Participacións na Copa de Europa

Tempada	Rolda	Adversario	Resultado(s)
1989-90	1ª Rolda	AS Varese SC Berne HC Tirol Innsbruck	0-18 2-18 3-18
1998-99	1ª Rolda	CH Jaca Dukla Trenčín SC Energija	1-6 1-6 0-5
1999-00	1ª Rolda	Amstel Tijgers Amsterdam Yunost Minsk Lions de Lyon	4-4 3-8 1-5
2001-02	1ª Rolda	Liepājas Metalurgs Dragons de Rouen Nijmegen Emperors	2-11 4-9 1-10
2006-07	1ª Rolda	exento
	2ª Rolda	Steaua Bucarest Comarch Cracovia Kraków Kazakmys Satpaev	1-10 2-6 0-12
2007-08	1ª Rolda	Miercurea-Ciuc Mladost Zagreb Kocaeli BBSK	2-13 1-9 3-4