Christine Jorgensen
  | |
| Biografía | |
|---|---|
| Nacemento | (en) George William Jorgensen jr. 30 de maio de 1926 Bronx, Estados Unidos de América |
| Morte | 3 de maio de 1989 (62 anos) San Clemente, Estados Unidos de América (pt)  |
| Causa da morte | Morte natural (Cancro de vexiga e cancro de pulmón ) |
| Datos persoais | |
| País de nacionalidade | Estados Unidos de América |
| Educación | Christopher Columbus High School (en) Mohawk Valley Community College (en) |
| Actividade | |
| Ocupación | actriz , activista , portavoz , animadora , profesor de educación superior |
| Lingua | Lingua inglesa |
| Carreira militar | |
| Rama militar | Exército dos Estados Unidos de América |
| Cronoloxía | |
| male-to-female gender-affirming surgery (en)
| |
Sinatura  | |
    | |
Christine Jorgensen, nada en Nova York, 30 de maio de 1926 e finada en San Clemente (California), o 3 de maio de 1989, foi unha muller transxénero estadounidense, a primeira amplamente coñecida no seu país.
Traxectoria[editar | editar a fonte]
Jorgensen naceu co nome de George William Jorgensen Jr., segunda filla do carpinteiro George William Jorgensen Sr. e da súa esposa, Florence Davis Hansen. Creceu na área do Bronx, Nova York, e foi bautizada como luterana.[1] Na súa autobiografía de 1967 describiuse como "un rapaz fráxil, loiro, introvertido, que fuxía das liortas a puños e os xogos rudos".[2][3]
Despois de graduarse da secundaria, en 1945 alistouse no exército dos Estados Unidos e participou na segunda guerra mundial. Logo do seu servizo asistiu a varias escolas e tivo varios traballos.[4]
Ao volver a Nova York, oíu sobre unha cirurxía para modificar o seu xénero. Comezou a tomar estróxenos en forma de etinilestradiol e comezou a procurar a cirurxía coa axuda de Joseph Angelo, marido dunha compañeira de clase na Manhattan Medical and Dental Assistant School.[5] Jorgensen intentou ir a Suecia, mais nunha parada en Copenhaguen para visitar uns familiares, coñeceu a Christian Hamburger, endocrinólogo e especialista en terapia hormonal rehabilitadora. Quedou en Dinamarca e comezou a terapia baixo a dirección de Hamburger. Escolleu o nome Christine na súa honra. Obtivo do Ministerio de Xustiza un permiso especial para experimentar unha serie de operacións que comezaron o 24 de setembro de 1951.[6]
Regresou aos Estados Unidos e a súa transición o tema de primeira páxina do New York Daily News o 1 de decembro de 1952. Incorrectamente foi presentada como a primeira persoa sometida a unha operación de reasignación de sexo.[7] Este tipo de cirurxía xa fora realizada por médicos alemáns a finais da década de 1920. Dorchen Richter e a artista dinamarquesa Lili Elbe, ambas pacientes de Magnus Hirschfeld no Institut für Sexualwissenschaft de Berlín, foron as primeiras que se sabe foron sometidas á operación.[8]
Jorgensen afirmou inicialmente que quería seguir unha vida tranquila, mais ao volver aos Estados Unidos a única forma de gañar a vida foi coas aparicións públicas.[9] Converteuse instantaneamente nunha celebridade ao chegar a Nova York en febreiro de 1953, empregando a súa fama para defender as persoas transxénero con franqueza e enxeño.[10]
Jorgensen traballou como actriz e artista de cabaré e gravou varias cancións.[11]
Na cultura popular[editar | editar a fonte]
Os carteis do filme de Ed Wood Glen or Glenda (1953), tamén coñecido como I Changed My Sex e I Led Two Lives, publicitaron o filme como baseado na vida de Jorgensen.[12] Orixinalmente o produtor George Weiss ofreceulle aparecer no filme, pero rexeitouno.[13]
En 1970 a súa vida foi levada á pantalla grande no filme The Christine Jorgensen Story, do director Irving Rapper, baseándose para o guión nas súas memorias. Foi encarnada polo actor John Hansen de adulta e por Trent Lehman aos sete anos.
A historiadora e crítica teórica transxénero Susan Stryker dirixiu e produciu un filme documental experimental sobre Jorgensen, Christine in the Cutting Room. En 2010 tamén presentou unha conferencia na Universidade Yale titulada "Christine in The Cutting Room: Christine Jorgensen Transsexual Celebrity and Cinematic Embodiment".[14]
Notas[editar | editar a fonte]
- ↑ Becoming a Woman: A Biography of Christine Jorgensen
- ↑ Jorgensen, Christine (1968). Christine Jorgensen: a personal autobiography (en inglés). New York: Bantam. pp. 8. OCLC 1023834324.
- ↑ Ingrassia, Michelle (5 de maio de 1989). "Transsexual Superstar: In 1952, She Was a Scandal: When Jorgensen decided to change his name—and his body—the nation wasn't quite ready". Newsday. p. A1.
- ↑ "Education: Students Wanted". Time. 2 de setembro de 1946. Arquivado dende o orixinal o 20 de febreiro de 2009. Consultado o 30 de abril de 2010.
- ↑ Bullough, Vern L. "Jorgensen, Christine (30 May 1926 – 3 May 1989)". Arquivado dende o orixinal o 22 de febreiro de 2009.
- ↑ "21 Transgender People Who Influenced American Culture". Time Magazine.
- ↑ Zimmerman, Jonathan. "Caitlyn Jenner, meet Christine Jorgensen". NY Daily News. Consultado o 27 de xullo de 2017.
- ↑ Meyerowitz, Joanne J. (30 de xuño de 2009). How Sex Changed. Harvard University Press. pp. 19–21. ISBN 978-0-674-04096-0.
- ↑ Kelly, Erin (2 de xuño de 2015). "Call Her Christine: The Original American Trans Celebrity". All That's Interesting, 2. Consultado o 17 de setembro de 2020.
- ↑ Whittle, Stephen (2 de xuño de 2010). "A brief history of transgender issues". The Guardian. Consultado o 22 de agosto de 2019.
- ↑ "Christine Jorgensen Website". Christinejorgensen.org. Consultado o 4 de decembro de 2013.
- ↑ ""I Led 2 Lives" Based on the Lives of Christine Jorgensen". Arquivado dende o orixinal o 08 de xullo de 2021. Consultado o 15 de xaneiro de 2022.
- ↑ Rhodes, Gary D. (1997). Lugosi: His Life in Films, on Stage, and in the Hearts of Horror Lovers (en inglés). McFarland. ISBN 0-7864-0257-1.
- ↑ "Trans/gender Awareness Week – Susan Stryker – "Christine in the Cutting Room: Christine Jorgensen's Transsexual Celebrity and Cinematic Embodiment"" (en inglés). Arquivado dende o orixinal o 20 de xullo de 2012.
Véxase tamén[editar | editar a fonte]
Bibliografía[editar | editar a fonte]
- Jorgensen, Christine (1967). Christine Jorgensen: A Personal Autobiography (en castelán). Nova York: Bantam Books. ISBN 978-1-57344-100-1.
Ligazóns externas[editar | editar a fonte]
- Artigo na BBC, novembro de 2012
- A Tribute Photo Gallery and Summary Arquivado 18 de abril de 2008 en Wayback Machine.
- GLTBQ.com article: Christine Jorgensen
- Edinburgh Festival Fringe 2005: Christine Jorgensen Reveals Arquivado 16 de maio de 2008 en Wayback Machine.
- Christine Jorgensen Website, with newsreel footage, songs, and other performances
- Christine Jorgensen, A Transsexual Media Sensation, Transgender Zone Media Archives
