Chlamydophila

Na Galipedia, a Wikipedia en galego.
Chlamydophila
Clasificación científica
Dominio: Bacteria
Filo: Chlamydiae
Clase: Chlamydiae
Orde: Chlamydiales
Familia: Chlamydiaceae
Xénero: Chlamydophila
Especies[1]

Chlamydophila é un xénero de bacterias pertencente á familia Chlamydiaceae,[2] orde Chlamydiales, clase/filo Chlamydiae. As especies deste novo xénero estaban antes clasificadas no xénero Chlamydia. O establecemento deste xénero foi controvertido no seu momento e segue séndoo.

Taxonomía[editar | editar a fonte]

O xénero Chlamydophila foi recoñecido en 1999,[3] e creado con seis especies que antes pertencían ao xénero Chlamydia (o cal quedou así só con tres especies). Todas as Chlamydiae son bacterias anaerobias cun ciclo de vida cun desenvolvemento en dúas fases que depende do seu crecemento intracelular obrigado en células hóspede eucarióticas.

Antes de 1999 o criterio para distinguir as especies de clamidias non era excluínte. Por exemplo, naquel momento o xénero Chlamydia era igual á familia Chlamydiaceae, xa que todas as especies estaban clasificadas nese xénero; C. psittaci distinguíase de C. trachomatis pola súa resistencia á sulfadiacina, aínda que non todas as C. psittaci eran resistentes; C. pneumoniae clasificábase pola súa aparencia vista con microscopio electrónico e a súa capacidade de infectar aos humanos, aínda que o aspecto visto ao microscopio electrónico difería dun grupo de investigación a outro, e todas estas especies infectaban aos humanos.

A taxonomía sistemática establecida para as Chlamydiae en 1999 utiliza os criterios postos ao día e imperantes actualmente na clasificación das bacterias, como a reasociación ADN-ADN, semellanza nos xenes dos ARNr de 16S e 23S, agrupamento con similaridade de secuencia de xenes codificantes de proteínas, e tamaño do xenoma. Tamén se empregan criterios de complementarios, como a detección de antíxenos,[4] tinguidura do glicóxeno, asociación co hóspede, e morfoloxía vista con microscopio electrónico, dependendo da súa aplicabilidae e dispoñibilidade. En 1999, moitas cepas de Chlamydia foron reorganizadas e asignadas ao xénero novo Chlamydophila.

As análises de xenómica comparativa identificaron grande cantidade de proteínas sinatura que só están presentes en especies do xénero Chlamydia ou Chlamydophila, o que apoia a distinción destes xéneros.[5] Con todo, esta visión foi posta en dúbida por unha análise de xenoma completo máis recente, que fixo que algúns autores propoñan volver a "reunificar as Chlamydiaceae nun só xénero, Chlamydia".[6] Ata o momento, esta controversia na nomenclatura continúa e non foi aínda resolta.[7]

Diferenciación de Chlamydophila[editar | editar a fonte]

A semellanza na reasociación ADN-ADN media que distingue Chlamydophila de Chlamydia é 10,1% (95% intervalo de confianza = 6,8 a 13,5), o que se considera un vaor aceptable para separar os dous xéneros.

A diverxencia entre Chlamydophila e Chlamydia indícase pola agrupación con similaridade de secuencia de xenes de proteínas codificadas e de ARN ribosómico. As secuencias dos xenes de ARNr de 16SA de Chlamydophila e Chlamydia son idénticos en aproximadamente un 95%. Porén, o 95% non é un punto de corte para separar as Chlamydiaceae, senón só unha guía para establecer novos xéneros dentro das familias das clamidias. Os xenes de ARNr de 23S de lonxitude completa de Chlamydophila e Chlamydia son idénticos en menos do 95%.

Algúns criterios moleculares para distinguir os xéneros das Chlamydiaceae
Xénero Tamaño do xenoma aproximado (millóns de pares de bases de ADN) Glicóxeno detectable Número de operóns ribosómicos
Chlamydophila 1.2 Non 1
Chlamydia 1.0 Si 2

Especies[editar | editar a fonte]

Son características específicas de especie tipicamente a morfoloxía vista con microscopio electrónico, resistencia a antibióticos, e plásmidos extracromosómicos.

Chlamydophila comprende as seguintes especies:

Notas[editar | editar a fonte]

  1. J.P. Euzéby. "Chlamydophila". List of Prokaryotic names with Standing in Nomenclature. http://www.bacterio.cict.fr/c/chlamydophila.html. Consultado o 2011-06-11. 
  2. MeshName - Chlamydophila [1]
  3. Everett KD, Bush RM, Andersen AA (April 1999). "Emended description of the order Chlamydiales, proposal of Parachlamydiaceae fam. nov. and Simkaniaceae fam. nov., each containing one monotypic genus, revised taxonomy of the family Chlamydiaceae, including a new genus and five new species, and standards for the identification of organisms". Int. J. Syst. Bacteriol. 49 (2): 415–40. DOI:10.1099/00207713-49-2-415. PMID 10319462. http://ijs.sgmjournals.org/cgi/pmidlookup?view=long&pmid=10319462. 
  4. Bush RM, Everett KD (January 2001). "Molecular evolution of the Chlamydiaceae". Int. J. Syst. Evol. Microbiol. 51 (Pt 1): 203–20. PMID 11211261. http://ijs.sgmjournals.org/cgi/pmidlookup?view=long&pmid=11211261. 
  5. Griffiths E, Ventresca MS, Gupta RS (2006). "BLAST screening of chlamydial genomes to identify signature proteins that are unique for the Chlamydiales, Chlamydiaceae, Chlamydophila and Chlamydia groups of species". BMC Genomics 7: 14. DOI:10.1186/1471-2164-7-14. PMC 1403754. PMID 16436211. //www.pubmedcentral.nih.gov/articlerender.fcgi?tool=pmcentrez&artid=1403754. 
  6. Stephens RS, Myers G, Eppinger M, Bavoil PM (March 2009). "Divergence without difference: phylogenetics and taxonomy of Chlamydia resolved". FEMS Immunol. Med. Microbiol. 55 (2): 115–9. DOI:10.1111/j.1574-695X.2008.00516.x. PMID 19281563. 
  7. "Chlamydia/Chlamydophila group". NCBI taxonomy database. National Center for Biotechnology Information, U.S. National Library of Medicine. http://www.ncbi.nlm.nih.gov/Taxonomy/Browser/wwwtax.cgi?mode=Info&id=1113537&lvl=3&lin=f&keep=1&srchmode=1&unlock. Consultado o 2013-03-26. "Dada a natureza contenciosa deste asunto, a Base de Datos Taxonómica do NCBI mantén os nomes dos dous xéneros para o uso dos que envíen traballos." 

Véxase tamén[editar | editar a fonte]

Ligazóns externas[editar | editar a fonte]