Ceftizoxima
Ceftizoxima é un antibiótico beta-lactámico pertencente á terceira xeración de cefalosporinas. Foi comercializado baixo o nome de Cefizox pero xa está discontinuada de moitos mercados, incluíndo o estadounidense[1].
Espectro de acción[editar | editar a fonte]
Ceftizoxima posúe un espectro semellante a outras cefalosporinas da mesma xeración, coma cefotaxima. Ten actividade fronte diversos microorganismos:
Bacterias grampositivas
- Staphylococcus aureus
- Staphylococcus epidermidis
- Streptococcus agalactiae
- Streptococcus pneumoniae
- Streptococcus pyogenes
- Streptococcus grupo viridans
Bacterias gramnegativas
- Escherichia coli
- Neisseria gonorrhoeae
- Haemophilus influenzae
- Enterobacter aerogenes
- Enterobacter cloacae
- Serratia marcescens
- Citrobacter
- Salmonella
- Shigella
- Proteus mirabilis
- Providencia
Non obstante, os Enterococcus spp, Listeria monocytogenes e Pseudomonas aeruginosa son resistentes[2].
Indicacións clínicas[editar | editar a fonte]
Ceftizoxima foi aprobado pola FDA para infección respiratoria, infección urinaria, gonorrea, infección abdominal, infección de pel e partes brandas, meninxite por Neisseria meningitidis e infección ósea[3].
Embarazo e lactación[editar | editar a fonte]
Ceftizoxima non demostrou danos fetais en animais, mais non se experimentou en humanos. Excrétase en pequenas cantidades no leite materno[4].
Notas[editar | editar a fonte]
- ↑ "Ficha técnica de ceftizoxima da FDA" (en inglés). Consultado o 20 setembro 2018.
- ↑ K P Fu (Abril 1980). "Antibacterial activity of ceftizoxime, a beta-lactamase-stable cephalosporin.". Antimicrob Agents Chemother. (en inglés).
- ↑ "Johns Hopkins ABX Guide , Ceftizoxima" (en inglés). Consultado o 20 setembro 2018.
- ↑ "Ficha de ceftizoxima en Drugs" (en inglés). Consultado o 20 setembro 2018.